Tus qox hlâu ntêr 25 m, đar 1,5m; xav hur si pênhr cxưx nhiax uô 320 triệu nhiax, zos lớp 11 Sử, 11 Địa K29 thiaz CLB tưx zênhv uô hâux lưv jông Yar cơưv THPT Chuyên Sơn La gruô hu, đros têx paz pơưs, tus khênhx siaz jông hâur tỉnh thiaz oz chas tỉnh côngv nhiax paz; pêx xênhv 2 jok Pịn thiaz Chiềng Vàng côngv chuôz zênhx cxiv puôz. Ntơư zos tus qox txuôk 2 luz jok muk trâu đrôngs xã Chiềng Phung. Tov kaz yax 10 hnuz uô tsik tsês, tus qox no tưz tâu uô tiar, muôz zok sir zôngv, paz pêx xênhv zôngx ziv muk lok thiaz pâur muôs hax huv, cxơưz huôv tsar nhiax txiax, xã hội ntơưv thax tsav.

Ndax jias no, Paz côngz xưv tưz krưr 64 hnaz nôngz blêx, tsiv nhos 200 cxênhz nhiax/hnaz trâu têx ziv pluôs; krưr 65 hnaz huv muôx kar nox, chuôz zênhx cơưv ntơưr, tsiv nhos  250 cxênhz nhiax/hnaz trâu mê nhuôv zâuk muôx luz nênhx txov nhêv nhoz Yar cơưv Mê nhuôv zâuk Sơn Ca. Tsik tas li, Paz côngz xưv thiaz Hội Pox niav xã Chiềng Phung tsênhv krưr 1 hnaz huv, hâur ntơư muôx: 2 tus nôngz yik, kar nox, chuôz zênhx cơưv ntơưr trâu shuv xênhz zos mê nhuôv njuôs. Xav hur si tsiv nhos zuôr luôs 35 triệu nhiax.