Muk txos Yar cơưv Mê nhuôv zâuk 1/6 Nậm Lầu, xã Nậm Lầu, mak pov yar puôv njuôz - hur - jông gâux, hâur tsêr cơưv tâu uô jông tu đu lus. Shông cơưv 2025 - 2026, yar cơưv muôx 508 lênhx shâuv xênhz, hâur ntơư 471 lênhx nox mor ntơưv yar cơưv. Yar cơưv tâu paz nhiax uô vax tsê, cxơưv chuôz zênhx jông, luz tsêr mor muôx 3 qar đar 60 m², tâu cxơưv cxix chuôz zênhx, muôx tủ uô mor công nghiệp, máy jov graix, muôx txênh trâu tưx taik... paz max hâux lưv uô mor trâu shâuv xênhz nox.

Cưk kria Muôk Xênhv Shôngx, Phó Hiệu Trưởng Yar cơưv Mê nhuôv zâuk 1/6 Nậm Lầu, haik: Yar cơưv muôx 4 tus nênhs uô mor puôr lênhx txơưx uô hâux lưv, đros têx đơn vị muôs kar hno cir ntơưr chos luk khor kho, cxuô zav puôr lênhx pâuz mênhx qơư uô tơưv. Cxuô ntu, txix thâuv zuôr txos thâuv uô siar puôr lênhx tâu saiz car hur si, iz hnuz uô 3 pluôk, txix thơưx hnuz uô hâux lưv txos hnuz tiv 6. Hlôngr pluôk tsik so trơưk hnuz, trơưk chaix, muôx ntâu zav... trâu shâuv xênhz nox kaz, txâuk cuôz zus chêr cov lox hloz siz luôs.

Ntơưv Yar cơưv Mê nhuôv zâuk Mường Bú, xã Mường Bú, shông cơưv no, muôx 9 kror qơư cơưv, 26 lớp thiaz 628 tus shâuv xênhz, hâur ntơư 21 lớp shâuv xênhz nox mor ntơưv yar cơưv, txênhz yax 80%. Cưk kria Phạm Thị Liên, Phó Hiệu Trưởng Yar cơưv, haik: Têx nênhs uô mor trâu shâuv xênhz nox ntơưv yar cơưv puôr lênhx tâu cơưv nzir tsưr ziv, zôngv chuôz zênhx, chox ntâuz thair kror ndâux thiaz hnaz lôngx têk, lôngx toz hâu cxix cxuô, tâu njuôk moz tsik so trơưk chaix. Tsêr mor xair têx jâuz, graix pâuz mênhx qơư uô, cxênhz iz ntu jux juk tsênhr cov nhaz xênhz. Txix ntơư, cxuô pluôk mor uô trâu shâuv xênhz nox puôr lênhx hur, tâu nox tsâuk, 100% shâuv xênhz tso siaz cơưv shâuv.

Nhiv no, muôx 355 luz yar cơưv hâur thôngz tỉnh uô mor trâu yax 100.000 tus shâuv xênhz nox; muôx yax 1.400 tus nênhs uô hâux lưv ntơưv têx tsêr uô mor. Hâur ntơư, 295 luz Yar cơưv tưz muôx ntơưr zuôr jâuz, graix uô trơưk đraiv Bộ Y tế, txâuk đas jos trâu yênhx fâuv mê nhuôv zâuk, 204 luz Yar cơưv zôngs ntov “pluôk mor uô trâu shâuv xênhz nox txâuk đas jos”... Lar haik mak, ntâu qơư choz kria zir zôngv chuôz zênhx saiz car trơưk Viện Kar hno têz qơưk, chia uô cov txâuk jâuz, graix trâu yênhx lênhx shâuv xênhz nox.

Iz chas uô jông têx tsêr mor, côngz xưv cxênhz yuôx, sox car cux tâu têx ngành muôx vax huôv sir jos njok lês. Yênhx shông, Chi cục por hưv kar hno hur tưz đros têx đơn vị cik txos cxênhz yuôx tsik so hâux lưv uô mor trâu shâuv xênhz nox ntơưv têx Yar cơưv; 100% Yar cơưv tâu cxênhz yuôx puôr lênhx zôngs ntov cêr chai tsưx hưv kar hno hur, muôx txâuk ntâuz ntơưr, chuôz zênhx, vax tsê txâuk chai. Cxuô đơn vị cxênhz ntov nti têx jâuz, graix đhâu 3 ntu, uô jông tu tsês, thâuv uô jâuz mor puôr lênhx hnar tsôngk yo, chox ntâuz thair kror ndâux thiaz muôx hnaz lôngx têk, lôngx toz hâu, muôx hâu vor cov zôngr tsik njâur.

Zơưs Nguyễn Văn Chiến, Giám đốc Sở Choz kria, haik: tâu lês siz luôs jok, hâux lưv tu shâuv xênhz nox hâuk txâuk đas jos tưz pov njôngr tâu uô jông lês jông. Nhiv no, 100% mê nhuôv zâuk muk cơưv ntơưr puôr lênhx tâu njuôk saiz đas jos tsik so trơưk chai ntơưv Tổ chức Y tế ntiax têz. Têx mê nhuôv nox tsik txâuk jâuz mor tưz tsơưs lơưv yax 3%, mê nhuôv choz poz, zuôs thiaz kik tâuz grik yuôr yax 5%, mê nhuôv tros đhâu txênhz 0,09%. Ngành tror fuô lês têx hâux lưv tưz lês jông: “pluôk mor kaz paz cov mê nhuôv njê”, “Cxuô hnuz muk cơưv ndax ndênhk”, “Kria shâuv xênhz nox cov txâuk jâuz, mor”... thiax txâuk đas jos cơưv shâuv.

Tâu paz uô tsêr mor trâu shâuv xênhz zos iz faz tsưr ziv, cê paz max lês tâu luz luôs hâux lưv tsênhv chênhz, tsưx hưv tâu đas jos trâu shâuv xênhz, tso siaz cơưv shâuv, cxiv tsa yar cơưv hur. Têx pluôk mor txâuk jâuz, graix cov shâuv xênhz txâuk đas jos, hloz siz luôs, cxơưz luz nênhx tov hâur ntêx.