Ntơưv thành phố Sơn La, đêx nas tưz nhaz ntâu kror qơư, txos nhiv no muôx 3 luz jok ntơưv têx xã: Chiềng Đen, Chiềng Xôm thiaz phường Chiềng An đêx tsênhv nhaz. Đhâu cxênhz yuôx, Trung tâm Y tế Thành phố tưz pov muôx iz cxia moz sâuv tơưr graix, li: Khâus, uô xuô,… Trung tâm tưz đros Tsêr kho moz Phong thiaz Da liễu njuôk, phaiz đơưz yuôx trâu pêx xênhv plênhr. Hnuz 25/6, Trung tâm tưz txiz cán bộ muk txos ntuô ntơưv têx qơư đêx nas nhaz tsuôs yuôx; kria pêx xênhv thoz cưx trâu đêx ntưk cov tsik tênhr, uô jông sâu têx khâuz nhaz por tsêr. Đros ntơư, cux kria pêx xênhv liv đêx hur, phax phax tar moz. 

Ntơưv huyện Thuận Châu, iz chas tsi njênhk đơưk têx cêr phiv liv đêx nas nhaz, huyện tưz muôx ntơưr kria lês hâux lưv phax tar moz siaz lês côngz xưv njuôk, kho moz thiaz por hưv cêr nyiaz hur thâuv đêx nhaz tas trơưk tuôr xav đêx gris txos tưs mak por hưv cêr nyiaz hur txos ntơư. 

Trung tâm Y tế huyện Thuận Châu tưz phaiz yuôx cloraminB trâu têx xã đêx nas nhaz chia tsuôs por hưv cêr nyiaz hur, tsênhv chênhz yax mak liv đêx sir zôngv. Cxiz nênhs muk tsuôs yuôx trâu cxuô qơư, phax tar moz trâu pêx xênhv. Trâu siaz njo kria pêx xênhv uô jông tsưx hưv cêr nhaz xênhz, zôngv têx yuôx ngành Y tế phaiz liv đêx hur, phax tar moz, por hưv đas jos trâu pêx xênhv. 

Nhiv no, ngành Y tế tưz đros UBPX cxuô huyện, thành phố, đơn vị siz chos phax, tar moz, uô jông lês côngz xưv njuôk, kho moz thiaz por hưv cêr nyiaz hur thâuv đêx nas gris tas. Ntơưv têx qơư đêx nas nhaz, cxuô qơư njuôk kho moz tưz txiz cưk kho moz muk txos ntuô têx jok đêx nhaz, cuôr chia chơưv nênhs moz. Đros ntơư, cux sox nyik tsav muôx yưv moz, zênhx max kho cov sai, zos yưv moz tsik chia siz cik, por hưv đas jos trâu pêx xênhv, cov tror uô nênhx truôx njês.

Trơưk qơư njuôk ntux yar ntux nas thax tsav Tây Bắc, njuôk tsov mak txix zar hnuz kaix 28/7 tax txos hnuz xiaz 1/8, tỉnh Sơn La ntux zuôr lok nas lox muôx chuô shơư, muôx ntâu thax tsav ntux nas lok lox txix 70-200mm/coz, iz cxia thax tsav lol lox yax 300mm. Li ntơư, ngành Y tế chox car cxuô đơn vị lês trơưk "4 cias ntơưv qơư"  (Ndo njôngr phax tar - bax - đơưk zênhx max têx cêr phiv liv). Cxiz nênhs siz hlôngr jor trơưr, chơưv nênhs, tsênhr cov muôx nênhs hu txaik tâu mông đruôz hnuz, hmo ntux.

Trung tâm Cxênhz yuôx cxuô zav moz; trung tâm y tế cxuô huyện, thành phố; trạm y tế xã, phường cxênhz tsik so, sox nyik hâux lưv phax tar moz cxuô jêx jok, zos yưv moz tsik chia siz cik. Cxuô qơư njuôk kho moz, cxiz nênhs jor trơưr, zênhx max chơưv nênhs moz. Cxuô paz nênhs lês hâux lưv chơưv moz cxuô qơư, thâuv tưs cux bax cxix chia hu muk cias tâu tav siv. Zênhx max uô jông hâux lưv por hưv cêr nyiaz hur; bax cxix nênhs, chuôz zênhx thiaz yuôx kho moz trâu pêx xênhv.

Tsik tsênhr yưv moz siz cik thâuv đêx nas nhaz đhâu, ngành Y tế tror uô jông cxênhz yuôx têx thax tsav đêx nhaz, tsav muôx moz, por hưv đas jos trâu pêx xênhv.