Cias têx hnuz hâu shông yiaz, ntơưv têx qơư chos jâuz phường Mộc Sơn, tuz kôngz tưz trâu siaz njo tu têx jâuz, chia bax muôs trâu têx nênhs sir zôngv. Haik txos têx tuz kôngz hâux lưv nzaz nzơưv tâu jông ntux hâu shông yiaz chia lês hâux lưv tsik zos chia muôx jâuz txâuk muôs trâu têx nênhs sir zôngv xưz, mak tsênhv muôx txiax njis zov chênhr chia paz trâu shông yiaz lês tâu ntâu zav jông.

Pos Nguyễn Thị Luyến, Giám đốc HTX Jâuz hur Tự Nhiên, haik pâuz: Cias hnuz xiaz 6 Tsiaz, HTX tưz sâu tâu 3 tấn jâuz hur chia xa muk trâu thành phố Hà Nội. Ntơư zos hâux lưv jông chia paz max trâu shông yiaz uô tâu ntâu zav. Pêz njênhs tiak shông yiaz zuôr muôs tâu ntâu hax huv đuô, chia paz trâu têx tuz kôngz tso siaz tu têx jâuz cov hur, nhaz xênhz muôs trâu têx nênhs sir zôngv.

Ntơưv têx tsêr mair, cux muôx ntâu tsêr mair moz siaz lês hâux lưv cias têx hnuz hâu shông yiaz. Đhâu ntơư pov tâu kror moz siaz lês hâux lưv cias têx hnuz hâu shông yiaz chia lês tiar têx cêr tuôr xav tưz tso tơưv.

Ntơưv Vinatea Mộc Châu, tov kaz têx lo luk phôngv côngz mnôngr shông yiaz, têx nênhs lês hâux lưv tưz trâu siaz uô nuv chia lês tiar têx cêr tuôr xav tưz tso tơưv. Công ty tưz tso yar têx cêr siz tưr uô kôngz lông, lax luôv; cxơưz jos têx nênhs uô hâux lưv uô têx nuv fiv huv trâu zuk pênhr xưv...

Zơưs Lê Chí Long, Giám đốc Vinatea Mộc Châu, haik pâuz: Nhiv no, Vinatea Mộc Châu saiz car yax 550 ha yuôx zêx, phênhv ntâu zos yuôx zênhx Shan Tuyết Mộc Châu. Txix li chos, tu txos trâu sâu zuôr thiaz muôs puôr lênhx tâu cxênhz ntov nti, kria pâuz qơư chos, txix ntơư paz cxiv tsa tâu qơư uô hâux lưv truôx njês, sâu tâu nju nhiax txiax.

Shông no, công ty sir jos sâu cov tâu zuôr luôs 10.100 tấn njik yuôx zêx nhôngk, uô tâu yax 2.300 tấn yuôx zêx kruôr; hâu ntơư, muôs 500 tấn yuôx zêx kruôr muk trâu têz qơưk Nhật Bản. Đros ntơư, sâu zuôr yax 40% têx tsưr chos yuôx zêx txâuk chai chia muôs nzir muk trâu têz qơưk Nhật Bản.

Hok ntơư têx qơư nuôv zax, cias hnuz xiaz 2 Tsiaz tưz gruô hu 100% têx nênhs lês hâux lưv uô nuv chia paz max trâu kruô nuôv zax. Hâur jias so Tsiaz, têx qơư nuôv zax thiaz qơư uô lax luôv ntơưv Thax tsav nuôv zax têz qơưk Mộc Châu tưz tok tâu yax 100.000 pưs kruô, sâu tâu yax 100 tỷ đaiv. Têx qơư tâu chôngz kruô nuôv zax ndis shuôk li: Qơư nuôv zax Mộc Châu Island; Happy Land Mộc Châu; Qơư nuôv zax Đêx tsas tsuô Dải Yếm; Qơư nuôv zax Har jôngr ntông Chiaz jok Áng; Đrôngs muk tơư - ciaz hmo ntux Mộc Châu; têx jok uô nuôv zax jêx jok.

Tix lâus Hoàng Mạnh Duy, Phó Giám đốc Khu du lịch Mộc Châu Island, thav pâuz: Hâur luz Tsiaz qơư nuôv zax tưz tâu yax 20.000 pưs kruô; xav sâu tâu yax 10 tỷ đaiv. Chia paz max trâu têx kruô nuôv zax ndis shuôk uô si, pêz tưz gruô hu 100% têx nênhs uô hâux lưv tuôx uô nuv cias hnuz xiaz 2 Tsiaz. Đros ntơư, pêz tsênhv kriz têx hâux lưv uô si lov jêv hâur luz Tsiaz, siz tuôr têk sênhr chêr, đhia kênhx, nox têx kak nox kaz chia paz gruô hu tâu chôngz lênhx kruô tuôx trâu Mộc Châu Island hâur têx hnuz hâu shông yiaz.

Muôv Nguyễn Thanh Mai, kruô nuôv zax nhoz trâu Hà Nội, thav pâuz: Cur zis nênhs xair Mộc Châu chia tuôx ndis uô si, viv ntơưv no huôz chuô lok six lax. Txơưv kruô chôngz, taz sik thâuv tuôx trâu Qơư nuôv zax Mộc Châu Island, cur pov tâu sơưr đơưk uô hâux lưv cux lok six jông, txix ntơư paz trâu pêz muôx ntâu cêr lov jêv thâuv tuôx trâu ntơưv no.

Cêr siz tưr lok jêv ntưk hâu shông yiaz taz tov nto mông đêz đar cxuô qơư đros trâu cêr chia siaz iz luz shông yiaz uô tâu ntâu zav tsênhv chênhz, lês tiar têx cêr tuôr xav tưz tso tơưv.