Iz hnuz thứ Sha kaz tuần đraz hli 4, tâu muk shuôk Tsêr kho moz tuz lênhv pêx xênhv siz paz đriv têz Việt Nam – Lok Tsuôk pêz pov têx nuv uô zênhx max thâuv Thiếu tá quân nhân chuyên nghiệp (QNCN) Phạm Thiện Thuật, cán bộ cưk yuôx ntơưv no đros têx nênhs uô nuv côngv kho chơưv iz tus pox niav moz hlưz hâu nhoz têz qơư Lok Tsuôk. Hâur têx nuv uô trơưk cêr cơưv blias lênhk thiaz tiz jông uô, Thiếu tá Thuật tưz uô jông cxơưz jos, cov tus moz truôx siaz. Cêr paz tas siaz, tas njưk ntơưv nưk thiaz têx cưk yuôx ntơưv no pov njôngr cêr tok nrư jor trơưr “ tsik muôx hnuz so ”, tsik haik hnuz, hmo lok sik Tsiaz.
Tix lâus Tinh Pút Cha Say, jok Nà Pưng, huyện Sốp Bâu, tỉnh Hủa Phăn, têz qơư Lok Tsuôk, jông siaz thav: Cur pox niav moz hnhar, tuôx txos tsêr njuôk kho moz, têx cưk yuôx tuz lênhv Việt Nam tưz taz nhav cias thiaz kho chơưv tas jos. Lơưr tưz tu saiz, cxơưz jos cur ziv nênhs chuôs lơưr têx nênhs hâur vax tsê. Muôx têx cưk yuôx no paz, pêx xênhv ntơưv pêz luz jok thâuv tưs muôx moz gênhs puôr lênhx tso siaz pâuz muôx qơư kho chơưv zênhx max.
Uô nuv ntơưv tsêr kho moz jê 10 shông lok no, Thiếu tá Phạm Thiện Thuật tưz yênhx tus nênhs cxênhz jê trâu pêx xênhv đriv têz. Zuôr luôs câuv shông đhâu, txix li tâu cơưv thiaz luz siaz njuôk kho moz ntơưv cưk yuôx câuk maix njuôz, nưk tưz đros têx nênhs côngv uô nuv kho chơưv zênhx max trâu yênhx cxênhz lưv tus moz. Thiếu tá Thuật thav tiak: 10 shông đhâu, Tsêr kho moz tưz njuôk thiaz kho moz trâu 10.417 lưv tus moz; kho zênhx max tâu yax 500 tus moz hnhar ntơưv no, tsưx tâu txox sia trâu cán bộ thiaz pêx xênhv. Lar haik mak njuôk, kho moz trâu yax 3.150 lưv tus pêx xênhv ntơưv huyện Sốp Bâu, tỉnh Hủa Phăn, têz qơư Lok Tsuôk.
Iz chas uô nuv tâu cơưv, tsêr kho moz tsênhv muôx siaz hluz, côngv đros têx đơn vị paz njuôk saiz moz, phaiz đơưz yuôx trâu yax 468 lưv tus nênhs tâu chai paz thiaz nênhs lâuk tsik muôx nênhs tu zus. Hâur cêr sir jos paz pêx xênhv tu saiz đas jos, đơn vị tsênhv đros cxax yuôx trơưk chaix trâu 650 tus nhuôv zâu, paz cxax yuôx vắc xin phax tar moz trâu yax 9.076 lưv tus pêx xênhv thax tsav đriv têz... paz max chôngz tus pêx xênhv njênhs njôngr têx tuz lênhv njuôk kho moz.
Tsêr kho moz tuz lênhv pêx xênhv siz paz đriv têz Việt Nam – Lok Tsuôk tâu saiz zos “ cxaik têk ntêr ” ntơưv qơư njuôk kho moz txos têx jêx jok đêz yax. Ntơưv têx thax tsav tox trôngz đraiv thair, muk lok trâu têx jok li Phiêng Cài, Buốc Pát lok trâu đrôngs xã tas ntâu six hơưv. Viv li, têx cưk yuôx ntơưv tsêr kho moz zênhx bax “ tok nrư tir tar ”, zênhx max kho chơưv têx tus moz hnhar, tâu tâus jâuz mor lok sik têx pox niav zuôr zus tuz ci uô ntêx zuôr chox muk trâu têx tsêr yuôx lox. Li tix lâus Yênhx Xênhv Tsaz, jok Pha Nhên, thâuv ntêx muk kho moz tsuv muk tas ntâu ntu cêr ntêr txov nhêv njuôr, taz sik thâuv muôx tsêr kho moz uô nuv, nưk ziv nênhs tưz tsik tas muk đêz chia njuôk, kho moz lơưv. Ntơưv no, nưk tâu têx cưk yuôx tuz lênhv tsik so nus, kria ndo njôngr tu saiz đas jos .
Thượng tá Lò Văn Diện, Chính trị viên Zênhx đriv têz Trôngx lôngs Ntiax têz Lóng Sập, haik tsênhz: Cêr tas siaz tu saiz đas jos trâu pêx xênhv oz saz đriv têz, zos hâux lưv chính trị tsênhv chênhz ntơưv têx tuz lênhv cưk yuôx, siz chos paz cxiv kho thax tsav đriv têz thax zênhz, siz khov thiaz truôx njês ntêr shông.
Txix li cêr xav iz "Tsêr kho moz tsik muôx hnuz so", cêr paz tas siaz ntơưv têx cưk yuôx câuk maix njuôz tưz paz pêx xênhv tso siaz khưr thiaz huôv vav nhiax txiax. Ntơưv no zos tsưs tsênhv chênhz, cxiv kho thax tsav thax zênhz, siz khov, siz chos tsưx truôx njias to tưx zưv thiaz vax huôv đriv têz têz qơư trâu ntu nênhx yiaz ./.
_1776825747.jpg)
(1).jpg)
Cox yuôr 500/500 tus bê ntơưr
Bạn vui lòng nhập từ 5 ký tự trở lên !!!