Zơưs Lường Văn Toán, Phó trưởng Ban Dân tộc tỉnh Sơn La, thav pâuz: Cêr xav nhiax tỉnh Sơn La tâu zok chia lês 10 dự án siz nzuôs nhoz trâu hâux lưv têz qơưk xav 1719 ntu 2021-2025 yax 8.690 tiv đaiv. Ban Dân tộc tưz chox lês, đros têx sở, ban, ngành ntơưv tỉnh, UBPX têx huyện, thành phố saz lax trâu UBPX tỉnh cxiv puôz, tso tơưv cêr xav lês ntu 2021-2025 thiaz cêr xav yênhx shông. Thâuv ntu lês, tsik so kriz cxênhz yuôx, sox nyik hâux lưv fuô lês chok nxiak zos cêr xav, muôx liv têx hâur pâuk pênhr tâu zok, muôx cêr jông siaz hâur tsôngv pêx xênhv.

Txos luz 10/2024, cêr xav nhiax tưz zok trâu yax 4.194 tiv đaiv; muôz nhiax thêv yax 2.280 tiv đaiv, tâu 54,4% cêr xav zok nhiaxx. Đhâu têx nhiax ntơưv cxiax cxênhv, mênhx mov jêx jok yiaz thax tsav pêx xênhv hair nênhs tsơưs, yax hlo mak thax tsav tox siaz, đêz đrôngs, thax tsav lok sik txov nhêv, thax tsav đriv têz ntơưv tỉnh muôx kror uô tâu pov mênhx, ntu nênhx, cêr chia siaz ntơưv pêx xênhv tsik tsês tâu cxơưz paz; cxuô tsar zav jông, nhiax txiax - xã hội tâu moz siaz cxiv tsa; cêr njias to nhaz xênhz chính trị, njias to tas nro xã hội truôx njês, nhaz xênhz đriv têz tsưx truôx.

Txix têx nhiax Hâux lưv têz qơưk xav 1719 paz, txox cêr thôngz jok Lò Um - jok Khoáng Biên, xã Chiềng Dong, huyện Mai Sơn ntêr yax 1,9 caik tưz uô tiar, paz trâu yax 400 ziv pêx xênhv muk lok txix luz 1/2024. Zơưs Lò Văn Thủy, Bí thư chi bộ, Thơưx jok Khoáng Biên, xã Chiềng Dong, thav tiak: Jok muôx 94 ziv, yax 420 tus nênhs, phênhv ntâu zos pêx xênhv Poz Ziz. Têx ziv tưz txar nja vax, jav ar chia kriz đar cêr yêz txix 2,5 thiar ndê 6 thiar, plơưr cêr lênhv bê tông đar 3,5 - 4 thiar. Txox cêr uô tiar paz muk lok muôs huv zôngx ziv, pêx xênhv lok sik jông siaz. 

Shông 2024, cêr xav nhiax cxiv tsa lês têx Hâux lưv têz qơưk xav 1719 ntơưv huyện Mai Sơn yax 75,8 tiv đaiv. Zơưs Nguyễn Thanh Hải, Trưởng phòng Dân tộc huyện, thav pâuz: Txix têx nhiax tâu zok, txos luz 9/2024, huyện phaiz tâu 46,9 tiv đaiv, tâu 61,9% cêr xav nhiax zok. Txix nhiax ntơưv cxiax cxênhv, ntâu kror qơư, dự án tâu piz cxiv tsa, paz max hlôngr yiaz ntu nênhx pêx xênhv hair nênhs tsơưs. Nto mông, cêr thôngz jok Nong Tầu Mông - Nong Nghè - Xà Nghè - Huổi Nhà - Phiêng Phụ A, xã Phiêng Cằm ntêr 3 caik, tâu cxiv tsa uô txix shông 2023 - 2025; qox đhâu đêx jok Cho Cong, xã Chiềng Nơi; kho đuô jông  qơư đêx hur nox hâuk jok Pá Nó, xã Tà Hộc...

Txix nhiax ntơưv cxiax cxênhv, ntâu kror qơư, dự án lok sâuv cêr yêz, điện, đêx uô nox hâuk, tsêr txux chi... ntơưv huyện Thuận Châu tâu cxiv tsa puôz yiaz, kho nzir, uô jông. Zơưs Lò Văn Quý, Trưởng phòng Dân tộc huyện, thav pâuz: Ntu 2019-2024, huyện Thuận Châu tâu zok yax 530 tiv nhiax, huyện tưz paz uô đêx uô nox hâuk trâu cxuô qơư trâu 1.463 ziv pluôs muôx cêr txov nhêv lok sâuv đêx uô nox hâuk; uô tiar cxiv tsa puôz tâu 5 kror qơư đêx uô nox hâuk; paz uô tsêr nhoz trâu 170 ziv pluôs; paz hlôngr cêr uô nuv trâu 390 ziv pluôs tsơưs ar uô kôngz... huyện taz tov sir jos cov hla đhâu cêr pluôs trâu shông 2025.

Đhâu yax pêz shông ntâu fuô lês Hâux lưv têz qơưk xav 1719, tỉnh Sơn La tu tas hur si têx kror tsik muôx ar nhoz trâu 179 ziv, ar uô kôngz lông trâu 239 ziv pêx xênhv nênhs tsơưs; uô tiar muôz zok lok zôngv 7/17 dự án nhoz truôx têz truôx qơư ntơưv têx huyện Bắc Yên, Yên Châu, Quỳnh Nhai, Vân Hồ thiaz muôz nhiax yax 139 tiv nhiax, tâu yax 84% cêr xav pênhr zok; cxiv tsa cxuô zav khênhr sir, paz max uô kôngz, ntu nênhx hâur tsôngv pêx xênhv nênhs tsơưs thiaz tox siaz, têx đơn vị xưv cxênhx têz qơư ntơưv faz tiz nênhs tsơưs yax 1.178 tiv nhiax, tâu yax 82%  cêr xav pênhr zok...

Hâur ntu zuôr txos, Ban Dân tộc tỉnh tsik tsês saz lax trâu UBPX tỉnh Sơn La taix khov, khov txos Trung ương đơưk cêr phiv liv, chia uô têx dự án ntơưv Hâux lưv têz qơưk xav 1719. Sir jos txos shông 2025, txo tsơưs têx ziv pluôs nhoz têx huyện pluôs txix 4-5%/shông; muôx tsơưs yax 1 huyện tơưv đhâu huyện pluôs; iz shông txo tsơưs 4-5% ziv pluôs, ziv jê cêr pluôs nhoz têx xã lok sik txov nhêv; muôx 44% têx xã thax tsav pêx xênhv nênhs tsơưs tâu côngz jêx jok yiaz...