Côngv trâu jâus tưr, muôx yax 1.000 lênhx nhuôv zâuk nhoz 26 tsêr txux chi nhuôv zâuv, trung tâm lês hâux lưv hluôs nênhs nhuôv zâuk thax tsav tox kâuv têz. Têx đơn vị tưz côngv trâu têx hâux lưv: Grâuv pax tưr uô kar nox cxuô thax tsav; tưr sênhr chêr; pir txưr đuôz zênhx zav; tưr haik cưr cxiax kruôk txos Đảng, Zơưv Côngz Hôx thiaz trôngx têz, têz qơưk, kruôk txos Đoàn TNCS Hồ Chí Minh thiaz nhuôv zâuk Việt Nam.

Trung tâm Lês hâux lưv hluôs nênhs nhuôv zâuk tỉnh Sơn La tưz côngv têx jax sênhr chêr “Têx tox trôngz jông gâux”, đhia zox chêr “Ntux yiaz lol trâu tox siaz” thiaz têx kar nox kaz ntơưv Sơn La côngv trâu jâus grâuv pax tưr uô kar nox. 

Jâus tưr zos jias chia têx đơn vị tâu siz njiz, siz chos cơưv shâuv têx zav jông, têx tsưr ziv jông lol sâuv kriz thiaz lês hâux lưv, paz iz phênhv tưs lês tâu jông Nghị quyết Đại hội Đoàn hur si têz qơưk jâus tiv 12 đros trâu luôs hâux lưv “Côngv đros hluôs nênhs cơưv shâuv thiaz huôv tsar tsưr ziv hâur luz nênhx, muôx đas jos, uô nênhx muôx txux chi”.