Đrav ntêx, ziv nênhs thương binh 4/4 Đinh Văn Khọi, nhoz jok Nà Mường, tưz nhoz tsik tsưv thâuv chaix ntux nas lok, tiv luz tsêr nhoz uô ntêr lơưv puôk tsuôx ntâu. Kaz shông 2025, zơưs ziv nênhs tâu paz 60 triệu nhiax. Đros têx nhiax vax tsê khưr tâu thiaz cưr tix nênhx tsa, jêx jok paz, zơưs tưz cxiv tsa yiaz luz tsêr cấp 4 truôx khor lox đar 30 thiar xưv phaz.

Jông siaz thâuv tâu nhoz hâur tsêr yiaz, zơưs Khọi haik tiak: Cur zos cựu chiến binh, uô têz qơư ntơưv yar tros Lok Tsuôk txix shông 1971 txos shông 1974. Cur tơưv yar tros los trâus moz yax 21%. Lok trâu vax tsê, cur tsik zos tâu nhiax paz xưz, nov hâu thax tsav tsênhv tsik tsês tuôx shuôk, puz huv, nhiv no tsênhv paz nhiax uô tsêr trâu cur ziv nênhs cur lok sik jông siaz. Ntơưv no zos jos cxơưz chia cur ziv nênhs hla đhâu cêr chor nhov, tror huôv nzir cênhz cưv uô têz qơư, choz kria tuz ci cơưv ntâuz ntơưr, uô nuv, siz chos cxiv kho jêx jok.

Xã Đoàn Kết nhiv no muôx 62 tus nênhs muôx côngz thiaz ziv nênhs tâu chai paz, li: 8 thương binh, 2 bệnh binh, 10 tus nênhs cxênhz jê nênhs tas siv nênhx viv têz qơư, 1 tus ntâuk tros mas cxov, cơư tux, 1 tus nênhs ntâuk tros tâu tâus yuôx hóa học thiaz 40 tus txi txos têx nênhs tas siv nênhx viv têz qơư. Têx shông đhâu, xã tsik so moz siaz lês cxix cxuô têx chai paz nhiax, paz txos nênhs muôx côngz; tsik so shuôk, cxơưz jos, paz huôv tsar nhiax txiax, kho đuô tsêr nhoz trâu têx ziv nênhs tâu chai paz. Đros ntơư, sir jos lês cêr siz tưr "Ndo txiax njis yar ntux", gruô hu têx đoàn thể thiaz pêx xênhv tu saiz vax nza nênhs tuôs tsav, paz ziv nênhs muôx côngz txix nuv uô, zaz zâuv cxiv tsa nhiax Quỹ "Ndo txiax njis yar ntux" chia paz têx ziv nênhs tâu chai paz vax tsê txov nhêv.

Zơưs Lò Việt Bắc, Chủ tịch UBPX xã Đoàn Kết, thav pâuz: Lês jông chai paz nhiax uô nênhx yar ntux, tu cêr nox nhoz thiaz chia siaz trâu nênhs muôx côngz, ziv nênhs tâu chai paz, txix hâu shông txos nhiv no, xã tưz thêv nhiax paz yênhx hli trâu têx nênhs muôx côngz thiaz ziv nênhs tâu chai paz zos nênhs, zênhx max, đros trâu hur si têx nhiax yax 686 triệu đaiv; muôz nhiax kho moz gênhs ntơưv tsêr trâu 6 tus nênhs đros trâu têx nhiax yax 15 triệu đaiv. Txix côngv têk ntơưv ndêx ntus chính trị thiaz tsôngv nênhs, cêr nox nhoz têx ziv nênhs tâu chai paz thax tsav xã zênhv hnuz zênhv tâu jông nzir. Txos nhiv no, muôx li 90% ziv nênhs muôx côngz ntu nênhx bâuv, lok sik tâu jông đuô cêr nox nhoz siz bâus ntơưv pêx xênhv hâur xã.

Kriz têx nuv uô saiz hloz 79 shông Hnuz Thương binh - Liệt sĩ (27/7/1947 - 27/7/2026), đros trâu têz qơư, xã Đoàn Kết taz tov sir jos fuô lês têx nuv ndo txiax njis yar ntux txos nênhs muôx côngz trâu têz qơư txix ntâu nuv uô tsênhz mênhx, li: Tso luk guô hu thiaz lês jông cêr siz tưr tas nro px tu saiz, shuôk, cxơưz jos, paz 100% thương binh, bệnh binh, ziv nênhs liệt sĩ thiaz nênhs muôx côngz trâu têz qơư; kriz têx cêr siz tưr hluôs nênhs jông siaz lês kho, tu saiz têx công trình sâu côngz nênhs tuôs tsav, chok nxiak "cax - njuôz - hur - jông"; lês "Uô nuv 500 hnuz hmo zok nriar cxa, tuôr xav bê nênhs tuôs tsav". Gruô hu têx nuv paz ndo txiax njis; tsa tơưv têx paz muk shuôk, puz huv têx nênhs tâu chai paz, iz poz huv gri txix 300.000 đaiv nhiax tror sâuv.

Lar haik, jâus no, ziv nênhs tix lâus Bùi Văn Toàn, jok Đoàn Kết, xã Đoàn Kết, zos mê nhuôv ntơưv nênhs uô tsor tros mas tâus yuôx hóa học, tâu paz 50 triệu nhiax chia kho tsêr nhoz trơưk cêr xav yiaz, kho đuô tsêr nhoz trâu mê nhuôv nênhs ntâuk tros mas tâus yuôx tuô đrox thax tsav tỉnh Sơn La. Tix lâus Toàn thav tiak:Luz kuz tsêr tưz tsik jông lơưv, tâu têx cấp moz siaz, paz zênhx max nhiax txiax chia kho đuô. Cur lok sik jông siaz viv tas nro cur ziv nênhs muôx qơư nhoz truôx njês, tsik txoz cxơưx thâuv ntux nas lok, lok sik yar cuz. Ntơư zos luz jos cxơưz chia cur ziv nênhs uô nênhx cov ndê tsas.

Têx nuv tsênhz mênhx ntơưv xã Đoàn Kết tưz paz nzir đas jos trâu têx ziv nênhs tâu chai paz, nênhs muôx côngz trâu têz qơư. Đhâu ntơư, siz chos uô tâu jông muk đêz đar cênhz cưv “Hâuk đêx ndo kror cxơưr” thiaz bôngs nzir cêr nhiav têz qơư trâu têx fâuv hluôs nhiv no.