Hair nênhs La Ha, Kháng txênhz tsik tâu txos 1% toz hâu nênhs hur si tỉnh, hair nênhs Khơ Mú txênhz zuôr luôs 1,3% toz hâu nênhs. Ntơư puôr lênhx zos hair nênhs lok six tsơưs nhoz trâu thax tsav Sơn La, muôx luk txơưr, zos têx hair nênhs lok six tsơưs njiz ntâu cêr txov nhêv trơưl quyết định ntơưv Bộ Dân tộc thiaz Tôn giáo. Viv đros hair nênhs Poz ziz nhoz uô cê, txux chi ntơưv têx hair nênhs ntơưv cux muôx ntâu zav siz txuôv. Taz sik, hair nênhs La Ha, Kháng, Khơ Mú nhiv nov tsênhv tsưx tâu jông têx txux chik, cêr chai, đaz kruôk hâur luz nênhx cxuô hnuz. Hâu ntơư, zuôr tsuv hair txos grâuv pax Xé Pang Á ntơưv hair nênhs Kháng, grâuv Pang A ntơưv hair nênhs La Ha tưz tâu côngv nhav zos txux chi têz qơưk thiaz taz tov uô ntâuz ntơưr công nhav cêr chai đaz kruô Tok shông yiaz ntơưv hair nênhs Khơ Mú.

Têx shông đhâu, côngz xưv por hưv têx txux chi ntơưv hair nênhs lok six tsơưs puôr lênhx tâu moz siaz txos txix li ntâu faz tsưr ziv. Ntơưv xã Quỳnh Nhai, têx jok muôx hair nênhs Kháng, La Ha nhoz tưz tâu cxơưz paz tsưx truôx têx paz pơưs nthuôr txux chi, sênhr chêr, yax hlo zos câu lạc bộ nthuôr txux chi hair nênhs, chia tsưx truôx têx txux chi, cênhz cưv hâur luz nênhx cxuô hnuz. Muôv Lò Thị Tỉnh, chủ nhiệm CLB txux chi hair nênhs La Ha jok Bung Lanh, thav pâuz: CLB muôx 35-40 thành viên, hâu ntơư muôx 2 nghệ nhân ưu tú. Pêz tưz tsik tsês cơưv shâuv têx jax sênhr chêr ntơưv hair nênhs, têx lâuk kria trâu têx hluôs lok sâuv txux chi, cêr chai, đaz kruôk thiaz siz chos kria pâuz têx hâux lưv hâur luz nênhx cxuô hnuz.

Hâur têx jêx jok muôx hair nênhs La Ha nhoz, têx txux chi, cênhz cưv puôr lênhx tâu tsưx truôx iz fâuv, đhâu fâuv thiaz tâu nov hâu moz siaz txos. Ntơưv jok Phiêng Nong, xã Chiềng La, ntâu shông lok no tưz tsưx jông têx paz sênhr chêr thiaz CLB nthuôr txux chi hair nênhs Khơ Mú, kriz têx hâux lưv nthuôr txux chi, sênhr chêr, kria nzir tsưr ziv trâu têx thành viên chia sơưr đơưk côngv têx hâux lưv zov chênhr ntơưv tỉnh, thax tsav chia siz chos cơưv shâuv nzir tsưr ziv.

Nghệ nhân Lò Văn Ơn, nênhs tâu pêx xênhv njênhs jok Phiêng Nong, xã Chiềng La, thav pâuz: Hair nênhs Khơ Mú muôx lok six ntâu têx txux chi, cênhz cưv tâu tsưx truôx... Hâu ntơư, têx cêr chai tưz tsik zos uô tsâus txos xênhz têz, xênhz qơư xưz, mak tsênhv fuô kria têx mê nhuôv pâuz por hưv har jôngr, por hưv hâur đêx, tsưx truôx cêr thôngx siaz hâur jêx jok. Viv liv, pêz têx lâuk puôr lênhx fuô kria trâu têx mê nhuôv tsưx cov tâu jông têx txux chi, cênhz cưv ntơưv hair nênhs.

Têx shông lok no, tỉnh Sơn La tưz moz siaz siz khov đros têx tổ chức, tsêr luôv cxiv tsa cêr chai paz max trâu têx jok njiz ntâu cêr phiv liv. Zov chênhr zos Qơư nthuôr txux chi, sênhr chêr ntơưv hair nênhs La Ha nhoz trâu xã Chiềng Lao đar 365 m², hur si nhiax lês hâux lưv tas 2,5 tỷ đaiv zos Tập đoàn Điện lực Việt Nam paz cxiv puôz; Tsêr txux chi trâu hair nênhs La Ha ntơưv xã Mường Khiêng zos Hội LHTN Việt Nam thiaz Tsêr nhiax Sacombank siz chos lês; Tsêr txux chi hair nênhs Kháng ntơưv xã Chiềng Lao tâu Tỉnh đoàn paz lês. Ntơư zos têx qơư tuv tsês têx chuôz zênhx, thax qơư cơưv shâuv, paz muôx nzir cêr thôngx siaz hair nênhs thiaz paz trâu sơưr đơưk pâuz tsưx jông têx txux chi, cênhz cưv.

Haik txos cêr tuôr xav huôv tsar têx txux chi ntơưv thax tsav tỉnh Sơn La, zơưs Phạm Hồng Thu, Phó Giám đốc Sở Txux chi, Thể thao thiaz Nuôv zax, thav pâuz: Sở nhiv no taz tov moz siaz saz lax lês Đề án “Cxiv tsa thiaz huôv tsar txux chi, tiz nênhs Sơn La fiv huv hâux lưv huôv tsar truôx njês”; Đề án “por hưv, nthuôr huôv têx cưr cxiax, sênhr chêr têx hair nênhs tsơưs thax tsav tỉnh Sơn La đros trâu huôv tsar nuôv zax” ntu 2021-2030… Đros ntơư, chox car tsa tơưv thiaz tsưx jông têx CLB txux chi, kriz têx jias kria nzir tsưr ziv trâu pêx xênhv, nthuôr huôv jông qơư sơưr chia cxiv tsa tâu jông têx txux chi, cênhz cưv tưz tâu công nhav chia nthuôr huôv jông têx zav jông đros trâu huôv tsar nuôv zax jêx jok.

Thâuv Đảng, Têz qơưk têx cêr chai zos, têx tsưr ziv fiv huv tâu moz siaz lês đros trâu kror moz siaz sir jos ntơưv cxuô lênhx pêx xênhv, têx txux chi ntơưv hair nênhs nênhs La Ha, Khơ Mú, Kháng zuôr tsưx tâu jông trơưk đraiv cêr tuôr xav. Txix ntơư, têx txux chi, cênhz cưv zuôr tâu kruôk, nto mông txos trâu cxuô lênhx pêx xênhv thiaz paz trâu thax tsav Sơn La muôx nzir ntâu zav txux chi, cênhz cưv jông.