Zos muk Ngọc Chiến, mak hla đhâu trôngz Sam Síp siaz zuôr luôs 2.000 m njuôk li blaiv đêx hiar txưr, tâus têx ntu cêr ndê tox, grik har, têx lơưv har, têx thâuv ho muk sâuv têx ntor trôngz, qơưk têx har huôz tsâuk nti. Hla đhâu têx lax trôngz, pov Ngọc Chiến plox lâus hâur luz lơưv har têx trôngz siaz puôs ndis, trôngx têz qơưk no jông: Chuôs "Đaz nênhs". 

Đros cán bộ xã muk ndis, uô ntêx hlo txos kror qơư nuôv zax jok Chom Khâu. Ntơưv no, zos kror qơư tsưx hưv têx txux chi, cênhz cưv iz txưv muôx đros đraiv luz nênhx, chia huôv tsar nuôv zax cov truôx njês, jok nhiv kruôr tsa tiar kror qơư tsês txux chi Hmôngz – Iz tsar cêr txux chi lok six tsênhv chênhz muôx cxix cxuô zav hâur Hmôngz luz nênhx.

Tok kruô hâur luz tsêr ntông vor grênhz trơưk cênhz cưv têx lâuk iz txưv zôngv thâuv ntêx, tix lâus Jêz Xênhv Vax, Bí thư chi bộ hâu jok, shir phaz lus piar kria têx kruô: Kror qơư no, tâu uô tiar lok zôngv txix luz 11/2025. Luz tsêr muôx 5 qar, uô jông khơưk têx chuôz zênhx iz zav jux juk lok tsês, ntơư zos: Đâux thiaz đaz tuôr nduôr, jêz jov poz cưk, qơư sơưk ntuôs, ntok ntâuz max... Zos kror qơư tsês Hmôngz têx txux chi, têx chuôz zênhx uô nox uô hâuk, têx tsar txux chi Tsiaz chia kruô cxuô kror qơư tuôx ndis saiz.

Ndaiv jok Chom Khâu, muk txos iz kror qơư jông lơưv iz tsar. Zos têx huz chơưr xơưk La Ha, muôx 23 luz huz puôz poz jêz lox zâu, zos iz tsar txux chi chơưr xơưk cênhz cưv. Têx phaz nzưr muk khơưk poz jêz đêx lok puôz, tâus txox cêr muk thôngz đrôngs xã mak txos kror tưs cux pov têx zav zôngv poz jêz puôz, iz zav nhiak jông txơưr lơưv nhiak iz tsar. 

Tâus tus đêx Chiến ntưk nyiaz si, têx yuôz đês cir kox kênhk jông chuôs zênhx zav, têx tsêr vor chiaz plox lôngs hâur har huôz pư har thâuv sơưr nzor. Kror txơưr yax mak têx kror trôngx vas poz jêz, nja vax jêz, kaz khar, mâuv câuk, ndêx tsêr tsar, lok sik têx tos jâuv so uô si puôr lênhx zos cxiv puôz jêz. Têx zav nhiv kruôr uô tâu, li: Tsêr hlơưr shaz Mường Chiến, Tsêr hlơưr shaz txi ntông sa mu jok Nà Tâu, Tsêr hlơưr shaz Cốc Nố Xí Tu jok Phày, Tsêr hlơưr shaz txi ntông phax khẩu Xủ Công jok Lướt, txos kror tưs cux jông

Muk ndis txos jok Nậm Nghẹp, tâu ntus muôs saiz têx har txir tuôz ziz taz tov tơưs pax đra pâus đros trâu têx txux chi Hmôngz lok six txâuk siaz. Nhoz phường Mộc Châu tuôx nuôv zax txos Ngọc Chiến, niav lâuk Mùi Thị Ngọc haik tiak: Txos Ngọc Chiến, thiax li pov cax siaz tias tias, tso siaz lus tsik ndo txoz cxơưx. Ntơưv no, thiax tsiv nhos zos trôngx têz qơưk jông chuôs “đaz nênhs” tsiv nhos nhoz, cê muôx tox trôngz hâur pêv jông, têx txux chi cxuô hair nênhs cux jông. Lar haik mak, iz luz jok, iz hair nênhs nhiak puôr lênhx jông txơưr lơưv nhiak iz tsar

Muk txos Ngọc Chiến, zuôr tâu mnôngs têx jax pêv thav txos trôngz têz, tiz nênhs gruôs. Uô tâu têx zav haik no, têx shông đhâu, xã Ngọc Chiến tưz gruô hu sơưr siz chos côngv nhiax, sir jó snjok fuô kria cov pêx xênhv cxuô luz jok cxiv kho txux chi nhiak hair nênhs cov jông. Zơưs Lò Văn Thoa, Phó Chủ tịch UBPX xã, haik: Xã tưz chox car cxuô luz jok cxiv tsa cêr chai jêx jok, tsưx hưv têx txux chi, tsôngk yo, luk, ntơưr thiaz têx cêr chai đaz kruôk jông ndax ndênhk iz txưv cxuô hair nênhs zôngv hâur luz nênhx. Xã tưz xair têx txux chi jông, muôx txiax njis chia tror tsa đuô, li: Nox mor blêx yiaz, hu tưv plis, grâuv pax txir tuôz ziz tơưs… cov hax zav nthuôr huôv têx txux chi jông txos tsôngv kruô nuôv zax cxuô qơư tuôx côngv.

Chaix pax txir tuôz ziz shông no, xã Ngọc Chiến zuôr tso yar nthuôr txux chi trâu hnuz 21 thiaz 22/3. Njiaz luk zos "Pax txir tuôz ziz - Chaix ntux yiaz Ngọc Chiến shông 2026" zos jias nthuôr ntâu tsar txux chi uô lov jêv, li: Ndis saiz pax txir tuôz ziz, côngv têx txux chi cênhz cưv; ndis têx qar thaz nzưr muôs kôngz lông, txux chi, muôs hax huv OCOP ntơưv trôngx têz no; tưr ndê trôngz txir tuôz ziz Sky Race shông 2026; ndis kror qơư tsưx hưv têx txux chi jông… 

Tsưx hưv têx txux chi jông, Ngọc Chiến tưz puôz tiz cov huôv tsar têx cêr siz tưr nthuôr txux chi hâur tsôngv pêx xênhv. Xã muôx 15 luz jok, sik muôx 45 paz nênhs nthuôr txux chi, 1 tus cưk txux Then, 35 tus cưk txux haik cưr cxiax Puôz Ziz, 51 tus cưk trax tâuz, 46 tus txir kênhx, 15 tus nênhs txơưx yuôz cxuô zav trax thiaz blôngx. Tso yar nthuôr txux chi, uô lov jêv tsik so chia têx paz nênhs nthuôr txux chi tâu siz njiz siz cơưv shâuv cov zênhv hnuz zênhv txơưx, thiaz hax zav thôngx siaz, tok kruô tuôx nuôv zax trâu Ngọc Chiến zênhv hnuz zênhv chôngz.

Cưk txux Lò Thị Hỷ, jok Mường Chiến 2, haik mak: Tưz zuôr luôs 20 shông, muk nthuôr tsik so txux chi trâu sơưr saiz têx thâuv muôx cêr lov jêv, Tsiaz pêz châus. Xar têx jax cưr cxiax trơưk têx zuôz cưr cxiax lâuk, đros trâu iz cxia suôz cưr cxiax yiaz, kria suôz cưr cxiax then trâu têx hluôk, cov pâuz đros tsưx hưv têx txux chi cênhz cưv jông cxuô hair nênhs.

Tror uô jông por hưv têx txux chi cxuô hair nênhs chia huôv tsar nuôv zax, xã Ngọc Chiến taz tov huôv tsar nuôv zax jêx jok ntơưv jok Lướt, jok Nà Tâu đros đraiv têx txux chi Puôz Ziz, qơư nuôv zax jok Nậm Nghẹp đros têx txux chi Hmôngz; cxiv tsa tiz nênhs Ngọc Chiến nhiav kruô, ndax ndênhk, cov kruô nhiav tuôx chôngz, huôv tsar nuôv zax trơưk têx zav muôx txơưv, cxơưz nhiax txiax - xã hội huôv tsar./.