Tuôx txos Yar cơưv Tiểu học thiaz THCS Bình Minh, tưz pov tâu tsưr ziv “Ndêx chiv đriv Trường Sa” taz tov nhoz hâur yar cơưv yar tiax. Tsưr ziv tưz puôz đuôz Quốc hiệu têz qơưk CHXHCN Việt Nam; qix pêz Têz qơưk; tus ntơưr por trôngz Trường Sa thiaz luz đruôk, kria pâuz pêx xênhv cxuô hair nênhs Việt Nam kror thôngx siaz.

Cưk kria Khúc Hữu Vinh, Hiệu trưởng yar cơưv, kria pâuz: Tsưr ziv tâu cxiv puôz luz hli 5/2024, siaz 6,87 thiar, đar 7,3 thiar xưv phaz, puôz bê tông shơư hlâu, xav hur si zuôr luôs 60 triệu nhiax, tâu Huyện đoàn, Hội Liên hiệp thanh niên Việt Nam huyện Mai Sơn thiaz têx nênhs siaz jông paz. Yênhx tuần, yênhx hli, yar cơưv puôr lênhx kriz cơưv hâur qix thiaz têx hâux lưv txơưr cias ntơưv "Ndêx chiv đriv Trường Sa" chia paz cưk kria, shuv xênhz pâuz nzir lok sâuv vax huôv saiz car por trôngz, hiar txưr pêz Têz qơưk.

Hâux lưv choz kria vax huôv saiz car por trôngz, hiar txưr tâu yar cơưv fuô lês fiv huv yênhx cấp cơưv. Đros trâu bậc tiểu học, têx shuv xênhz tâu cơưv đhâu têx đuôz kria pâuz lok sâuv tox trôngz hâur pês, đêx ar huôz chuô por trôngz, têx jax đaz nênhs thav txos chiến sĩ hải quân por hưv por trôngz hiar txưr. Đros trâu bậc THCS đhâu bộ môn địa lý, shuv xênhz tâu cơưv têx njiaz luk, ntâuz ntơưr cik txos hiar txưr Việt Nam.

Cưk kria Nguyễn Như Ngọc, Tổ Khoa học - Xã hội hâur yar cơưv, thav tiak: Têx shuv xênhz nhoz tox siaz tâu pâuz txos por trôngz hiar txưr phênhv ntâu mak đhâu ntơưr yuôz, xor luôv, xor tôngx chuô, xa đuôz thiaz têx cưk kria kria pâuz đhâu têx tiết cơưv. Viv li thâuv kriz têx jias tưr txơưx pâuz lok sâuv vax huôv saiz car por trôngz, hiar txưr, đros trâu nthuôr têx zênhx zav, kriz đuôz, tsưr ziv, cok chiav por trôngz hiar txưr pir txưr; têz ndâux luk nus tâu puz huv; thav têx jax đaz nênhs lok sâuv yar cơưv, pêx xênhv nhoz thax tsav por trôngz, hiar txưr luz nênhx ... Đhâu no, cxơưz shuv xênhz cêr nhiav têz, nhiav qơư, pâuz thôngx siaz, ndo txiax njis têx fâuv lâuk tưz tas txox sia viv têz viv qơư cxiv tsa pêz Têz qơưk tiax tuk, thax zênhz li nhiv no.

Shuv xênhz Trần Thị Quỳnh Thơ, lớp 8A, thav pâuz: Đrav ntêx pêz tsuôk zos tâu kria pâuz por trôngz, hiar txưr đhâu cưk kria têx jax kria ntơưr, mạng xã hội, saiz đuôz. Txix thâuv muôx tsưr ziv, têx jias kria pâuz por trôngz, hiar txưr tưz tâu yar cơưv moz siaz kriz tsik tsês, paz têx shuv xênhz pâuz mênhx đuô txos pêz têz qơưk por trôngz, hiar txưr; pâuz tâu fâuv lâuk cêr txov nhêv, kror tas txo sia viv têz viv qơư, ndo txiax njis têx chiến sĩ tưz niax hnuz cxuô hmo por hưv truôx njês por trôngz, hiar txưr pêz Têz qơưk nhoz njias to, chia pêz tâu nhoz nhaz xênhz li nhiv no.

Tsưr ziv "Ndêx chiv đriv Trường Sa” tưz yênhx kror njênhs njôngr ntơưv cán bộ, cưk kria thiaz shuv xênhz Yar cơưv Tiểu học thiaz THCS Bình Minh. Ntơư zos kror qơư jông yax chia paz shuv xênhz pâuz nzir đêx ar, đriv têz, por trôngz hiar txưr Trường Sa thiaz Hoàng Sa ntơưv Việt Nam. Đhâu no, cxaz nzir trâu shuv xênhz kror sir jos cơưv cov txơưx ntơưr, tsik tsês cơưv shâuv, yênhx tus nênhs tsiv txiax, côngv tas đas jos, tsưr ziv cxiv tsa thiaz por hưv Têz qơưk Việt Nam zênhv hnuz zênhv bluô nux thiaz jông jav.