Ntơưv cấp tỉnh, đhâu muôz têx sở, ban, ngành lok uô cê, txix 19 đơn vị grik yuôr 14; têx phòng chuyên môn txix 114 yuôr 97 phòng; đơn vị xưv cxênhx têz qơưk grik 109 yuôr 100 đơn vị. Tas nro têx vax tsê, ar tâu yêv muôx 25 kror qơư, hâur ntơư 10 kror qơư tror zôngv, 15 kror qơư zôngv ntơưv qơư.

Lês trơưk nov hâu 2 cấp, txix hnuz xiaz 1/7/2025, tỉnh Sơn La grik txix 204 xã, phường, thị trấn yuôr 75 xã, phường. Txo tsơưs têx qơư uô hâux lưv, têx chuôz tav têz qơưk, lar haik mak têx vax tsê, ar, tâu cxênhz yuôx đuô. Đhâu cxênhz yuôx, tsêr uô hâux lưv taz tov tror sir zôngv 192 kror qơư, muôx 75 luz tsêr uô hâux lưv ntơưv UBPX xã yiaz, 117 kror qơư tâu zôngv uô qơư taz pêx xênhv, uô ntâuz ntơưr trâu pêx xênhv.

UBPX cxuô xã, phường txix li muôz uô cê, sâu mênhx têx chuôz tav tsik zôngv txos, chuôz tav tưz puôk tsuôx lok sik tsik fiv huv uô hâux lưv chia khov cấp muôx vax huôv tu. Luz luôs hâux lưv cxênhz yuôx tâu lês trơưk đraiv chai “tsik chia khôngv, tsik sir zôngv zuôv chai, tsik chia chuôz tav puôk tsuôx xuôv nghiax têz qơưk”.

Trơưk cxênhz yuôx txos hnuz 22/12/2025, thôngz tỉnh muôx 114 kror qơư zôngv tsik txos vax tsê. Hâur ntơư, 81 kror qơư muôx chai tu trâu lưv zav hâux lưv, muôx: 69 kror qơư tror tâu zôngv; 2 kror qơư hlôngr trâu lưv bộ ngành Trung ương; 10 kror qơư zok trâu Trung tâm Huôv tsar pênhr ar. 13 kror qơư tưz uô tiar ntâuz ntơưr, tsik tâu muôx ntơưr tso chai zok; yuôr 20 kror qơư taz tov uô ntơưr trơưk ddraiv chai têz qơưk. Đros ntơư, 75 xã, phường yiaz tưz nhav cxix tsêr uô hâux lưv, uô ntơưr sir zôngv ar trơưk têx ntơưr tưz cir.

Zơưs Nguyễn Văn Phong, Phó Giám đốc Sở Tài chính, haik: Tỉnh têx chai mak tsik chia têz qơưk têx chuôz tav tso khôngv tsês, tsik puz zôngv zuôv chai. Tas nro, têx vax tsê, ar tsik tâu zôngv tâu cxênhz, txâuk chai têz qơưk tsênhz mênhx, tsik tsênhr xuôv.

Đhâu cxênhz yuôx, ntâu krorr qơư khov cov hlôngr zôngv uô lưv zav, iz cxia tsêr, ar chia uô têx qơư sơưr đơưk zôngv. Têx zav khov zôngv, zos: Qơư chia pêx xênhv cơưv; tsêr txux chi, qư cơưv tổ, jok; qơư uô hâux lưv têz qơưk paz max trâu pêx xênhv; ciaz lok sik qơư thênhv yêz trơưk chai; hu gri muôs chia sâu nhiax trâu têz qơưk.

Xã Chiềng Hoa nhiv no zos muôz 3 luz xã: Chiềng Hoa, Chiềng Công, Chiềng Ân lok uô cê; qơư uô hâux lưv xã yiaz nhoz ntơưv xã Chiềng Hoa kuz. Zơưs Vũ Văn Suấn, Bí thư Đảng ủy, Chủ tịch HĐPX xã Chiềng Hoa, haik: Tsêr uô hâux lưv xã Chiềng Công kuz tâu zok trâu Yar cơưv Mê nhuôv zâuk Chiềng Công saiz car, sir zôngv; rsêr uô hâux lưv xã Chiềng Ân kuz nhiv no tsik tâu zôngv uô lưv zav, viv tiak nhoz tu nduô, đêz yar cơưv thiaz pêx xênhv, nhiv no zok tổ uô côngz xưv xã yênhx tuần muk đros pêx xênhv uô hâux lưv.

Hok 20 luz tsêr uô hâux lưv, qơư lês hâux lưv xưv cxênhx taz tov cxênhz yuôx, kho đuô chai sir zôngv trơưk Chính phủ, Bộ Tài chính chox car. Hnuz 19/12/2025, Sở Tài chính tưz muôx ntơưr cxiz cov zênhx max cxênhz yuôx, uô ntơưr piar mênhx hâux lưv sir zôngv têx tsêr uô hâux lưv, qơư uô hâux lưv xưv cxênhx uô zôngv tsik txos, (lưv tiv 3) xa trâu UBPX cxuô xã, phường.

Zos têx vax tsê, ar tưz muôx cơ quan, đơn vị nhav lơưv mak zênhx max uô ntơưr piar mênhx hâux lưv zok chuôz tav têz qơưk tus trơưk đraiv cêr chai; Zos têx vax tsê, ar tsik fiv huv zôngv, zôngv tsik txos chia uô qơư uô hâux lưv, qơư uô hâux lưv xưv cxênhx, qơư njuôk kho moz, tsêr txux chi, thể thao, đuô zav txơưr thiaz tsik muôx tổ chức, tus khênhx tưs zôngv, ntiar, mak njuôk tsov chia zok trâu UBPX cấp xã saiz car, tu trơưk đraiv cêr chai đêx ar têz qơưk lok sik zok trâu Trung tâm Huôv tsar pênhr ar tỉnh saiz car, tu trơưk đraiv cêr chai. Uô cov tiar ntâuz ntơưr xa trâu Sở Tài chính uô ntêx hnuz 25/12/2025.

Côngz xưv tu têx chuôz tav têz qơưk uô kaz muôz têx qơư uô hâux lưv uô, zos luz luôs hâux lưv lox, thâuv ntêx txos nhiv no tsik tâu muôx đuô, sik Sơn La tưz cxênhz yuôx thiaz tu têx chuôz tav tsik zôngv txos tsik xuôv nhiax nhiax; carr shênhv zôngv chuôz tav têz qơưk tsik tsênhr xuôv; sâu tâu nhiax txiax trâu têz qơưk txix hu gri hlôngr tsưr zir zôngv ar; zôngx ziv saiz car têx chuôz tav teez qơưk, tsik xuôv por tsês; fiv huv hâux lưv nov hâu 2 cấp thiaz ntu hlôngr số.