Phênhv nthuôr cêr chai đaz kruôk Láng Pang A tâu uô jông bax, lês trơưk txux chi cênhz cưv cêr chai đaz kruôk. Hâur thax tsav tso yar nthuôr txux chi muôx tus ndêx “Xặng pang”, zos tus ndêx nxông pir txưr cxuô cêr chai đaz kruôk hâur hair nênhs La Ha luz nênhx. Tus ndêx nxông tâu đai ntâu tsar ntâu zav, hâur ntơư tsoz txôngz uô por thơưx trâu tưv njuôz, tsoz tsơưz uô por thơưx trâu tưv đơưz.

Thâuv tus txir đaz txir kruô taz tov uô đaz kruôk, pêx xênhv hâur jok tưz siz chos nthuôr ntâu txux chi trơưk cênhz cưv li: Sênhr chêr thor ntux nas, sênhr chêr fuôv txiax, sênhr chêr ntax, hâuk chơưr xơưk… Luz suôz yuôz ndak sênhr chêr nxê nxênhk đros suôz trax, têx tuz, nxaik hluôk sơưr đơưk tuôr têk siz chos sênhr lov jêv ntưk..

Ntơưv jias nthuôr txux chi, tưz piar muôs têx hax huv pêx xênhv ntơưv no uô tâu, jias no cux tưr uô kar hno kaz đros trâu têx hâux lưv thể thao li: Tuô hnênhr, lâuz cênhv… tsưx hưv têx txux chi jông, tsôngv pêx xênhv sơưr hax zav thôngx siaz siz chos piar kria têx zav muôx txơưv, tiz nênhs hâur thax tsav no.

Luôs hâux lưv nthuôr đuô têx txux chi đaz kruôk no, tsik zos tsưx hưv thiaz nthuôr huôv têx txux chi jông iz txưv muôx xưz, mak zos iz jias chia tsôngv pêx xênhv cxuô jêx jok siz chos bôngs cêr thôngx siaz, cxơưz cxiv luz nênhx. Iz chas ntơư, cux zos iz jias chia piar kria têx zav muôx txơưv, tok kruô cxuô qơư tuôx nuôv zax, iz thênhv jux juk huôv tsar nuôv zax jêx jok, cxơưz nhiax txiax huôv tsar truôx njês.