Ta Sua’s Stories nhoz sâuv trôngz ntơưv txox cêr grik muk trâu Grax kâuv trôngz naz ka, jok Háng Đồng, luz tsêr ntông zâu xưz, tâu tix lâus Nguyễn Trọng Thịnh, nhoz Hải Phòng - iz tus nênhs nhiav txux chi tox siaz tuôx uô. Ntơưv no, têx txux chi cênhz cưv uô ntâuz trâuk gax Hmôngz tâu nthuôr thôngz hâur qar tsêr, yênhx qơưs ntâuz max nhiv kruôr ntok thiaz têx ntâuz trâuk gax, têx chuôz zênhx đrax tiaz đros trâu têx huz gax chia trâuk ntâuz.

Tix lâus Nguyễn Trọng Thịnh haik tiak: Nuôv zax Tà Xùa huôv tsar sai, taz sik tsik zos lênhx tưs cux tâu zôngv. Xar cov muôx ntâu lênhx cưr tix Hmôngz hâur jok siz chos huôv tsar nuôv zax thiaz nthuôr kria têx txux chi muôx txơưv, luz 5/2025, tưz đros tix lâus Txôngr Xênhv Thox, nhoz jok Háng Đồng siz chos uô luz tsêr tok kruô shâuv trâuk ntâuz chia cov muôx nzir iz kror qơư chia kruô nuôv zax shâuv nthuôr txux chi txơưr lưv kror qơư, paz pêx xênhv sâu tâu nhiax txiax txix cias zuk têx pax ntâuz, txux chi jông.

Zos iz tus nênhs txơưx pax ntâuz kria cias kruô shâuv trâuk ntâuz ntơưv Ta Sua’s Stories, pos Mỷ Xênhv Vax, jok Háng Đồng zênhx iz txưv sưv, tưz max mav uô siaz ntêr kria têx kruô iz zav jux juk txix thâuv đrax kuôr chiaz trâu têx ntâuz. Pos Mỷ haik: Thâuv tưs cux uô jông iz ntu jux juk, kria têx kruô txix thâuv đrax kuôr chiaz, trâuk ntâuz li chak cov đuz, kria mênhx txiax njis yênhx caz pax ntâuz trơưk cênhz cưv. Têx kruô lok six nhiav, lơưr tưz shâuv uô tâu yênhx huv gra muk zôngv, chia siaz zuôr tâu njiz têx kruô ntâu đuô, chia piar kria trâu lơưr pâuz zuk hair nênhs têx txux chi cov sơưr đơưk đros pâuz. 

Iz txưv siaz zênhx nhiav jông ho nhiav kruô pos Mỷ tưz paz têx workshop ntơưv Ta Sua’s Stories hax zav tâu kruô hâur têz qơưk nhiav chox fôngx zưs oz chas têz tuôx nuôv zax. Hâur 2 txos 3 luz six hơưv, iz phix chox kruô ndis uô si tưz tâu shâuv cxix iz ntu jux juk, txix qir thơưx uô siaz ntêr đrax kuôr chiaz trâu hâur đaiv ntâuz đơưz, mav chox muk trâu gax hâur huz tas mav jiaz yar ntux tax kruôr yênhx iz zav huv. Nhiv no, fênhx đraz iz hli kror qơư no muôs tâu yênhx puô zav huv thiaz tok tâu yênhx châuv pưs kruô nuôv zax.

Niav lâuk Nguyễn Thuỳ Dương, nhoz Hà Nội, haik tiak: Jias workshop yax 2 luz six hơưv ntơưv qơư trâuk ntâuz tưz pov jias nuôv zax no hax zav muôx txiax njis đuô. Tuôx txos ntơưv no, cax siaz lus nthuôr phaz nzưr trơưk siaz nhiav thiaz tsênhv pâuz nzir ntâu zav lok sâuv txux chi iz txưv muôx ntâu tiav nênhx hâur tsôngv cưr tix Hmôngz.

Trơưk têx tsưr ziv yiaz, qơư uô ntâuz trâuk gax Ta Sua’s Stories yênhx iz kror qơư nthuôr huôv txux chi Hmôngz tâu têx kruô cxuô qơư pâuz, tưz paz ntâu ziv pêx xênhv hâur jok muôx hâux lưv uô. Txix yênhx côngz thơưx lưv, tix lâus Nguyễn Trọng Thịnh thiaz tix lâus Txôngr Xênhv Thox, tưz muk gruô hu iz ziv pêx xênhv jux juk cov têx pox niav Hmôngz tror yơưz đuô zuk têx txux chi, pax ntâuz iz txưv thâuv ntêx têx lâuk zôngv đros huôv tsar nuôv zax. Têx luz huz gax, têx yuôz ntuôs, cxuô zav chuôz zênhx tưz tsês ntêr tsik zôngv cov tror nriar chox lok zôngv, tsưx hưv txux chi tox siaz tror huôv tsar.

Tix lâus Txôngr Xênhv Thox, tus nênhs tsa tơưv Ta Sua’s Stories, shir phaz lus haik tiak: Kror jông siaz yax mak ntâu ziv tưz tsik tas muk uô hâux lưv đêz lơưv. Lơưr tror lok nhoz tsêr, tu vax tsê, muôx nhiax sir zôngv txix huôv tsar cênhz cưv pax ntâuz trơưk iz txưv têx lâuk muôx. Nhiv no, kror qơư no tưz paz 5 ziv 10 lênhx muôx hâux lưv uô tsik so, iz lênhs iz luz luôs hâux lưv fiv huv pênhr xưv, đas jos. Lênhx tưs pâuz xơưk mak xơưk, lênhx tưs txơưx tơưv lâus ho tơưv pax ntâuz lâus, txơưx đrax chiaz ho đrax, trâuk, lênhx tưs txơưx luk ho kria kruô shâuv uô, iz lênhs sâu tâu txix 5 triệu nhiax/hli tror sâuv; luz chaix kruô nuôv zax chôngz txix luz 9 hli txos luz 3 hli, mak sâu tâu nhiax ntâu đuô.

Ta Sua’s Stories zos zav huôv tsar nuôv zax tsưx hưv txux chi yênhx côngz thiaz tâu xã Tà Xùa puôz tiz cxưx nhiax huôv tsar. Li ntơư, zuôr chuôz jos trâu Tà Xùa huôv tsar nzir têx qơư nuôv zax, paz pêx xênhv muôx hâux lưv uô, sâu nju nhiax txiax, đơưk tâu têx cêr phiv liv nuôv zax trơưk chaix, chia cov hax zav muôx kruô tuôx nuôv zax saiz huôz pư har chôngz đuô.