Txux chi Xên Bản zos cênhz cưv txux chi đaz kruôk iz txưv muôx ntơưv tsôngv cưr tix Puôz Ziz, zos cênhz cưv ndo txiax njis têx lâuk tưz pôngz đas jos cxiv tsa jêx jok, ndo txiax njis têx xênhz têz xênhz qơư tưz por hưv jêx jok thiaz thor cov ntux yar ntux nas fiv huv, pêx xênhv uô kôngz lông pur cxaz, tu tsiax cxu pur guôx, luz nênhx nox tsâu hnar sor, yar ntux đris. Cux zos iz jias, tsôngv pêx xênhv tâu siz njiz, thôngx siaz siz chos tsưx hưv thiaz nthuôr huôv têx txux chi cênhz cưv jông.

Ntơưv yar puôv qơư ndis uô si xã Thuận Châu, txux chi Xên Bản tưz tâu chox tuôx nthuôr iz phênhv hâur thơưx ntu Xên ntơưv Tu Sửa Tảư, ntơư, zos ndâux cê gas lok trâu hâur jok, chia por hưv jêx jok. 

Txuôk nzir ntơư, Paz txir đaz txir kruô tưz muk lês đaz kruôk ntơưv Tu Sửa Nưa, ntơưv thax qơư muôx ntông lox nhoz pêv hâur jok (Hua Bản) chia txi têx xênhz têz xênhz qơư tror por hưv jêx jok, ntux yar ntux nas lok siz luôs, pêx xênhv uô tâu kôngz lông, muôx txâuk nox txâuk hnar, thax zênhz.

Uô kaz oz phênhv đaz kruôk ntơưv ndâux cê jok, tsos phênhv tsênhv chênhz yax hâur jias Xên Bản zos cêr chai đaz kruôk Tế Ta pâux txiax njis têx xênhz têz xênhz qơư, xênhz đêx xênhz ar tưz por hưv jêx jok, thor cov ntux yar ntux nas lok siz luôs, sơưr đơưk uô nox pênhv ziv, tsiax cxu huôv tsar, cxuô lênhx pêx xênhv muôx đas muôx jos, uô nênhx yar ntux đris. 

Txix li lês tiar cxuô ntu đaz kruôk zov chênhr, têx txir đaz txir kruô tưz đros pêx xênhv tror muk tsêr Chảu Sửa siz chos côngv phênhv đaz kruôk Panh khuôn (khi plis). Trơưk cưr tix Puôz Ziz njênhs, uô kaz têx cêr chai đaz kruôk tsênhv chênhz, pêx xênhv siz chos khi plis por hưv đas jos, phôngv cov sơưr đơưk thuv txiaz xênhz. Ntơư, cux zos phênhv shuôx câuv Xên Bản, zos cêr chai đaz kruôk, cêr đênhr tsôngv pêx xênhv sơưr đơưk siaz.

Uô kaz lês tas phênhv cêr chai đaz kruôk tas, pêx xênhv thiaz têx kruô tưz siz chos nthuôr cxuô tsar txux chi, tuôr têk sênhr chêr, hâuk chơưr xơưk thiaz côngv ntâu txux chi, lov jêv ntưk.

Luz luôs hâux lưv tror cxiv kho đuô Txux chi Xên Bản chia tsưx hưv thiaz nthuôr huôv têx txux chi cênhz cưv jêng hâur tsôngv Cưr tix Puôz Ziz, iz chas ntơư piar trâu cxuô qơư pâuz têx txux chi, tiz nênhs nhoz xã Thuận Châu, chia huôv tsar nuôv zax./.