Côngv zuz "Chos ntông uô jôngr" zos iz hâur têx hâux lưv zov chinhr hâur nhoz “Jôngr njuôz tror njuôz” zos Trung tâm Tiz nênhs thiaz har jôngr PanNature tso yar, đros trâu njiaz lul chos cov tâu 500 ha jôngr hâur 10 shông, chia cov muôx jông njuôz siz txuôk jưk txix li oz thax tsav Mai Châu ntơưv tỉnh Hòa Bình (kuz) thiaz Vân Hồ ntơưv tỉnh Sơn La. Shông 2024, txix hâux lưv uô tâu jông đros trâu 35.000 tsoz ntông, cxiv kho đuô 53 ha jôngr hâur thax tsav Hang Kia-Pà Cò ntơưv tỉnh Hòa Bình (kuz) thiaz Vân Hồ ntơưv tỉnh Sơn La.

Ntơưv jâus lês hâux lưv, yax 60.000 tsoz ntông hâur thax tsav, li: Dổi, trám, chò chỉ, gù hương, quế, dẻ gai… tâu chos trâu zuôr luôs 100 ha ntơưv thax tsav jôngr por hưv hâu đêx nhoz 5 jol: Sa Lai, Nà Hiềng, Chiềng Nưa xã Xuân Nha thiaz jol Pha Luông, Suối Quanh ntơưv xã Chiềng Sơn. 

Hâux lưv tsik zos paz por hưv cêr nyiaz hur, muôx har jôngr njuôz đros trâu ntâu zav mal tsênhv paz trâu pêx xênhv hâur thax tsav muôx hâux lưv uô truôx njês, cxiv tsa luz nênhx hlôngr yiaz njuôz hur txix li tiz nênhx thiaz har jôngr.