Hâur hair nênhs Poz ziz nhoz trâu thax tsav Tây Bắc, pax huôv tsar puôr lênhx muôx trơưr hâur luz nênhx cxuô hnuz. Hâur pluôk mor cxuô hnuz, pax huôv tsar zos zav tâu muôz lok uô yênhx zav kak nox kaz, tsuôk zos muôx hâur luz pêz hli. Tsik muôx zav pax tưs zuôr uô tâu ntâu zav kak nox kaz jông li pax huôv tsar thiaz muôx tus nxiaz tsư kaz txơưr hlo.

Txix li zos iz lênhx nênhs nhiav hair nênhs Poz ziz têx kak nox, pos Quàng Thị Cương zos iz hâur têx nênhs muôz pluôk nox ntơưv hair nênhs huôv tsar txos trâu iz kror qơư siaz yiaz txix li têx kak nox kaz ntơưv tsêr uô mor Nàng Ban Sính Quang, iz thax qơư tâu chôngz lênhx nênhs nhiav nox nhoz trâu ntơưv phường Chiềng Cơi.

Haik txos kak nox muôz pax huôv tsar uô tơưv, pos Cương hhaik pâuz: Chia cov uô tâu iz taik pax huôv tsar kaz, mak zuôr tsuv xair têx pax nhiv kruôr piz tơưs. Thâuv đê lok zuôr tsuv uô tiz jông cxêv, tsik chia têx pax lưx, tov kaz ntơư muôz shơư njuôs iaz lok sik têx jâuz har jôngr trơưk li faz tsưr ziv iz txưv lês. Thâuv nox, pax huôv tsar kaz jiz tsơưr, uô trâu têx nênhs nox ndo njôngr tsik plox.

Luz pêz hli ntơưv Sơn La, thâuv têx coz nas chaix ntux yiaz piz lok zưs trâu têx tox trôngz, hâur pêk, cux zos six hơưv njuôs iaz piz tuôx. Njuôs iaz puôs nzor zênhx zos zav kak nox khênhr muôx hâur cxuô hair nênhs luz nênhx cxuô hnuz. Luz chaix njuôs tuôx cux zos six hơưv piz kriz têx cêr grâuv pax ntơưv hair nênhs Poz ziz, La Ha, Khơ Mú, Kháng.... chia uô tsâus txos xênhz têz, xênhz qơư, thor cov iz luz shông yiaz tâu jông ntux, thor cov muôx đas, muôx jos, njiz cêr nhaz xênhz thiaz shir phaz.

Tsuôk zos thâuv nhiv kruôr hla trâu luz pêz hli, têx njuôs nhiv kruôr piz tuôx yưv sâuv bông ar, thâuv ntơư thiax li tsik tâu iaz. Thâuv uô njuôs iaz thiaz pax huôv tsar uô cê, shơư đros cuô txoz mak hax zav kaz, uô trâu têx nênhs tâu nox lơưv zênhx ndo njôngr trâu đruôz siaz tsik plox.

Zơưs Nguyễn Đình Tuân, tsưr qơư uô kak nox Tuân Gù ntơưv Qơư nuôv zax têz qơưk Mộc Châu, thav pâuz: Têx kak nox ntơưv pêz mak zos sir jos sir zôngv têx kak nox muôx txơưv hâur thax tsav thiaz uô trơưk li têx zav muôx txơưr hlo ntơưv pêx xênhv cxuô hair nênhs chia fiv huv trâu têx nênhs sir zôngv siaz nhiav. Têx zav nox viv li ntơư cux tâu xair trơưk chaix. Jias no, hâur pêz thax qơư no mak muôx pax huôv tsar, njuôs iaz cê paz muôx ntâu zav kak nox txơưr hlo, cê fuô kria têx kak nox kaz ntơưv thax tsav Sơn La txos trâu têx kruô nuôv zax cxuô qơư.

Tưz muôx ntâu jâus tuôx trâu Sơn La, tix lâus Trịnh Minh Tiến, kruô nuôv zax nhoz trâu Lâm Đồng, kria pâuz txos têx zav nưk nhiav thâuv tuôx ntơưv no: Cur lok six nhiav têx kak nox zos muôz pax huôv tsar uô tơưv, njuôs iaz lok sik têx zav jâuz har jôngr, zos lênhx tưs tâu nox, mak cux nox tas nro iz fax, cux tsênhv tsik tâu đhuar, tsênhv xar tror nox nzir.

Têx kak nox luz hli pêz ntơưv Sơn La muôx ntâu zav, ntơư puôr lênhx zos têx kak nox kaz hâur pêx xênhv cxuô hair nênhs luz nênhx, tsik tas li, ntơư tsênhv zos zav kria pâuz mênhx têx txux ci, cênhz cưv trâu têx kruô nuôv zax. Thâuv tror txos luz hli pêz, Sơn La tror jông zav li gruô hu têx gruô nhoz đêz jê tuôx ndis shuôk, uô si chia tâu nox têx kak nox kaz txơưr hlo ntơưv thax tsav Tây Bắc.