Jok Pậu, xã Mường Bú, muôx muôx zuôr luôs 100 ziv pêx xênhv. Thâuv ntêx, pêx xênhv ntơưv no tsik muôx đêx txâuk zôngv. Txix têx nhiax tâu paz lês têz qơưk luôs hâux lưv huôv tsar nhiax txiax thax tsav pêx xênhv hair nênhs tsơưs thiaz tox siaz, dự án tok đêx no, uô tas zuôr luôs 800 triệu nhiax. Pos Lò Thị Lan, jok Pậu, haik tiak: Coz nas đêx huôv shông 2019 tưz cuôr têx car đêx tas, ntâu shông lok pêx xênhv tsik muôx đêx zôngv, phiv liv hênhr, muk chê đêx cưx ha lok zôngv, luz chaix ntux kruôr mak zuôr iz thôngz jux juk xưz. Nhiv no, tok tâu đêx; lok txos ntuô tsêr, hâur jok lênhx tưs cux shir phaz.

Ntơưv xã Yên Châu, đhâu cxênhz, thôngz xã muôx yax 1.000 ziv pêx xênhv zos hair nênhs tsơưs zuôr tsuv  tâu tok đêx phaiz trâu sơưr đơưk zôngv thiaz muôx iz cxia jok tox siaz tsik muôx đêx txâuk zôngv, phênhv ntâu pêx xênhv cưr đêx cưx ha lok zôngv. Txos chaix ntus kruôr, ntâu ziv muk gra đêx lok six đêz. Iz cxia ziv pêx xênhv tưz cxưx nhiax yâu kror đêx, taz sik tiv nhoz siaz, tsik muôx đêx.

Chia đơưk têx cêr phiv liv no, nov hâu tưz gruô hu sơưr đơưk siz chos côngv uô bể đêx, chaz car gruk đêx ntơưv thax tsav kik ndê trâu jok, kria cov pêx xenhv txuôs đêx, tênhv đêx nas tsês trâu luz chaix ntux kruôr. Txix li têz qơưk txox cêr chai paz uô qơư đêx hur sir zôngv txix li Dự án 1, ntâu ziv pêx xênhv tưz tâu phaiz thôngz ntiv đêx, muôx txâuk đêx zôngv.

Zơưs Trương Thế Anh, Thơưx Phòng Kinh tế xã Yên Châu, haik: Xã tưz cxênhz tas nro têx ziv pêx xênhv hair nênhs tsơưs tsik muôx đêx txâuk zôngv, zôngv cxuô zav pênhr nhiax paz, zuôr thôngz phaiz trâu pêx xênhv trâu đêx zôngv. Txos nhiv no, 100% nhiax muôz paz, zok tiar rơưr zav 1,5m³, trơưk đraiv chai. Txix shông 2022 txos nhiv no, yax 1.000 ziv pêx xênhv hair nênhs tsơưs hâur xã tâu paz, tas nro zuôr luôs nto 3 tỷ nhiax.

Tsik txâuk đêx hur zôngv mal zuôr tsuv tâu paz max trâu tsôngv pêx xênhv hair nênhs tsơưs thôngz tỉnh; lar haik yax mak luz chaix ntux kruôr, thâuv ntâu ziv tsik muôx đêx txâuk zôngv, lav zôngv têx đêx kiak nênhs, zôngx ziv muôx ntâu zav moz, hiav txos pêx xênhv đas jos. Tỉnh tưz moz siaz fuô lês Dự án 1, tok đêx hur thiaz uô cêr yêz, vax tsê truôx njês, tsik zos cxơưz paz pêx xênhv luz nênhx xưz, mak tsênhv paz pêx xênhv thax tsav txov nhêv huôv tsar truôx njês.

Zơưs Nguyễn Viết Hưng, Giám đốc Sở Dân tộc thiaz Tôn giáo, haik: Txix têx nhiax tâu paz uô Dự án chia paz têx ziv pêx xênhv tsik muôx ar uô tsêr nhoz, liax têz uô nox, tsik muôx đêx hur zôngv, txos nhiv no, thôngz tỉnh tưz zok yax 145 tỷ nhiax, uô yiaz thiaz kho đuô 94 krot qơư đêx hur; paz rơưr trâu đêx hur trâu zuôr luôs 1.400 ziv pêx xênhv, tas nro yax 4,1 tỷ nhiax, tưz paz max tâu pêx xênhv muôx đêx hur zôngv, cxơưz paz pêx xênhv hair nênhs tsơưs luz nênhx tâu jông.

Chia paz cov tsôngv pêx xênhv hair nênhs tsơưs muôx đêx hur txâuk zôngv, Sở Dân tộc thiaz Tôn giáo tror saz lax trâu UBPX tỉnh, khov Trung ương paz đơưk zênhx max têx cêr phiv liv; siz chos cxênhz têx qơư tok đêx hur cxuô qơư, tror cxưx nhiax paz tok đêx hur trâu pêx xênhv hair nênhs tsơưs zôngv. Tsik tas li, fuô kria nzir cxuô cêr chai cov pêx xênhv por hưv têx hâur đêx, txuôs por hưv têx hâur đêx hur gruk trâu sơưr đơưk zôngv... Sir jos cov tas shông 2025, 100% pêx xênhv nhoz jêx jok thiaz 98% pêx xênhv hair nênhs tsơưs tâu zôngv đêx hur.

Txix li nhiax lês têx luôs hâux lưv Têz qơưk, tưz tâu muôz nhiax uô qơư đêx hur trâu pêx xênhv hair nênhs tsơưs thôngz tỉnh zôngv. Ntâu kror kuz qơư tok đêx tưz tâu kho đuô, txâuk đêx hur trâu pêx xênhv zôngv, por hưv tâu đas jos. Lar haik yax, mak têx qơư đêx hur uô yiaz tưz uô tâu jông, tok đêx hur lok txos ntuô cxuô ziv pêx xênhv nhoz têx jêx jok tox siaz, đêz đrôngs thiaz đriv têz.