Ntơưv jâus njiz njêx muôs, têx đại biểu côngv yaz đuô cênhz cưv 65 shông saz Nuôv zax Việt Nam, haik tsênhz qơư sơưr, cêr txơưv tsênhv chênhz ntơưv nuôv zax hâur cêr huôv vav nhiax txiax, xã hội ntơưv thax tsav.

Xã Tiax Suôz nhuôv kruôr tsa tơưv txix li sâu uô cê 3 xã Tiax Suôz, Lax Chơưr thiaz Har Ntôngx. Xav hur si tox trôngz hâur pêk đar 233,67 caik cêr xưv phaz, phênhv ntâu zos trôngz siaz, siaz txix 1.200 - 2.800 mét njuôk li blaiv đêx hiar txưr.Txix li tox trôngz siaz, huôz chuô lax thơưv shông, muôx tox trôngz har jôngr trâus kror muôs saiz đros txux chi tiz nênhs cxuô zav, txơưv zênhx têx zav jông chia  kriz cêr nuôv zax cxuô tsar zav thiaz truôx njês.

Têx shông đhâu, tâu kror moz siaz ntơưv têx hloz thiaz côngv têk ntơưv pêx xênhv, nuôv zax Tiax Suôz iz thênhv jux juk hlôngr yiaz, zos kror gas siaz txos trâu têx kruô nuôv zax hâur zuk thiaz luôs têz qơư, txis ntâu qơư nto mông "huôz pư har Tiax Suôz", "Đruôz kâuv jax nkruôz", har jôngr lâuk thiaz har jông Tiax Suôz, Har Ntôngx, tênhr trôngz Njor Nhux, têx cưx ha đêx, đêx tsas tsuô muôx nux gri jông saiz lox hloz, gruô hu tâu kruô nhiav ndis saiz, xav pâuz, châuv huôz thiaz nuôv zax riaz nênhs.

Hâur thax tsav tưz tsa tơưv yax 50 luz qơư so nhoz đhâu hnuz hmo, ntâu qơư tâu cxiv tsa jông khaz sênhz lus, muôx pênhr xưv paz max têx kruô nuôv zax hâur zuk thiaz luôs têz qơư. Txox cêr muk ntơưv xã Bắc Yên ndê trâu xã Tiax Suôz thiaz iz cxia cêr thôngz jêx jok nuôv zax tưz tâu kho đuô, uô jông, zôngx ziv muk lok thiaz huôv tsar cxuô cêr nuôv zax yiaz .