Hnuz siz tưr đhia muôx zuôr luôs 1.000 lênhx: Khối công an, tuz lênhv muôx 250 lênhx Cán bộ, chiến sĩ uô hâux lưv hâur đơn vị Tuz lênhv, Công an ntơưv xã; nênhs lês hâux lưv hâur Tổ tsưx hưv cêr nhaz xênhz 75 thôn, jok, tiểu khu hâur xã. Cxuô lênhx puôr lênhx tưr đhia 1.500m.

Khối cán bộ, viên chức cxuô cơ quan đơn vị yar cơưv, cxuô thôn, jok, tiểu khu thiaz pêx xênhv xã Thuận Châu muôx zuôr luôs 700 lênhx. Têx paz nênhs tưr no đhia 4.000 m, ndis 5 lưv pak đêx Nong Luông. 

Kruôk têx nênhs tuôx tưr, Ban tso yar tưr tưz puz huv trâu: 1 tus zênhx tiv iz, 2 tus zênhx tiv oz, 7 tus zênhx tiv pêz zos tsôngv tuz lênhv thiaz kruôk 100 lênhx xuz đhia lok txos qơư zos khối cán bộ thiaz pêx xênhv.

Đhâu jias tưr đhia, zuôr cxơưz cêr siz tưr cơưv shâuv thể dục, thể thao cov têx cán bộ, đảng viên thiaz tsôngv pêx xênhv sơưr đơưk puôr lênhx muôx đas jos viv “Yênhx lênhx pêx xênhv muôx jos, thôngz têz qơưk lênhx tưs cux muôx jos”, “Pêx xênhv muôx đas jos têz qơưk thiax truôx njês” trơưk Chủ tịch Hồ Chí Minh txox cêr chia siaz.