Xav tâu, hlôngr số zos zuôv six chia yôngv siaz pênhr xưv saiz car, paz max pêx xênhv, tsêr luôv , UBPX xã tưz chox car yuôx, saiz thiaz kriz lus 387 zav ntơưr cấp xã thiaz 15 zav ntơưr ntơưv ngành dọc; paz 138 qơư uô nuv têz qơư pov njôngr hâur qơư tso thiaz 252 kror uô nuv têz qơư pov njôngr ntơưv qơư iz phênhv. Trung tâm Paz max hành chính công xã tâu tsa tơưv, tâu paz cxix cxuô chuôz zênhx, txuôk phênhv đruôz máy iz kror  trôngx điện tử, tuôr xav máy tính paz pêx xênhv saiz Kror trôngx uô nuv têz qơư. 100% ntơưr hành chính zos zuk vax huôv tu ntơưv UBPX xã tâu taz nhav, tu thiaz saiz hâur têx điện tử.

Zơưs Đỗ Ngọc Quang, Phó Chủ tịch UBPX xã, Giám đốc Trung tâm Paz max hành chính công xã, thav pâuz: Xã côngv yôngv siaz pênhr xưv trâu têx paz cán bộ uô côngz xưv tu ntơưr hành chính, đros ntơư tsik so lês côngz xưv fuô luk, yôngv siaz to tâuz trâu têx bộ, công chức, viên chức thiaz pêx xênhv lok sâuv hlôngr số, yôngv siaz tiv tsôngv sir zôngv qơư uô nuv têz qơư pov njôngr hâur qơư thiaz qơư xa ntơưr bưu chính công ích, sir zôngv têx zav muôx liv chuôz zênhx số chia paz max ntu nênhx, khưr uô kôngz, uô luôv. Fuô lês têx tsưr ziv lês trơưr cov hur têx ntâuz ntơưr fuô mông pêx xênhv thax tsav xã, yuôx, saiz mông, uô tiar qơư tsês ntâuz ntơưr têz qơư lok sâuv bảo hiểm, sê...

Tok txos cxiv tsa nov hâu số, côngz xưv tu ntâuz ntơưr thax tsav xã tsik so tâu saiz hloz uô tâu sai, zôngx ziv. Txix hnuz 1/7/2025 txos nhiv no, UBPX xã tưz nhav, uô 864 zav ntâuz ntơưr, hâur ntơư 97,1% ntâuz ntơưr uô tâu trơưk hnuz nhôngs thiaz uô ntêx hnuz nhôngs tênhv, 99,76% ntâuz ntơưr tâu số hlôngr cxix cxuô. Chỉ số paz max pêx xênhv thiaz tsêr luôv tâu jông: Luz 7 hli tâu 72,39 điểm, sơưr tiv 1/75; luz 8 hli tâu  92,41 điểm, sơưr tiv 9/75; luz 9 hli tâu 88,88 điểm, sơưr tiv 19/75 xã, phường. Xã lês trơưr 3 qar tsêr cơưv yưv ti vi, sir zôngv 100% ntơưr điện tử. Têx zav viễn thông tror tâu cxiv tsa tso txos tox siaz, đêz đrôngs; 100% têx thôn, jok, tiểu khu muôx mạng xor tôngx gra đros chêr 4G; 60% ziv nênhs muôx hluô saiz internet cáp quang, tiv tsôngv pêx xênhv muôx xor tôngx thôngz tsiz tâu 80%.

Têx jông số tâu moz siaz cxiv tsa siz luôs zos hâur pâuk tsưs tsênhv chênhz chia xã huôv tsar nhiax txiax số, xã hội số. Nhiv no, têx tsêr luôv thax tsav xã puôr lênhx sir zôngv chuôz zênhx fuô mông hâur saiz car, uô tơưv, uô luôv; 100% hợp tác xã sir zôngv ntơưr hóa đơn điện tử thiaz sâu kriz sê pov njôngr ti vi. Xã Thuận Châu cux fuô lês ntơưv hóa đơn điện tử ntơưv têx thaz nzưr kênh trox xăng trox ar muôs, thaz nzưr nox hâuk...tsik chia sâu tsik tâu sê, sâu tsik tâu nhiax têz qơư. Đros ntơư, xã sir jos fuô kria, cxơưz thêv nhiax tsik zôngv pov njôngr; kria pêx xênhv sir zôngv têx hâur pâuk tsưs số paz max ntu nênhx li: Kho moz, kria ntơưr, thôngz xor, kria chai têz qơư, muk lok, nuôv zax, nhênhv ntơưr yuôz, uô si lov jêv...

Txix li lês jông hâux lưv uô ntâuz ntơưr hâur đruôz mair txos tsik so kria tsưr ziv số trâu pêx xênhv, tsêr luôv, xã Thuận Châu tưz uô tâu têx hâux lưv hlôngr yiaz hâur 3 kror truôx njês txix li hlôngr số - nov hâu số, nhiax txiax số thiaz xã hội số - iz thênhv jux juk muôz hlôngr số  trâu tsênhz mênhx ntu nênhx, paz max muôx liv trâu pêx xênhv thiaz tsêr luôv.