Nhiv no, huyện muôx 248 tus njưs tâur đêx thiaz 4 luz pak đêx tâur, xav hur si ntêr yax 321 caik. Têx njưs tâur đêx tưz bax txâuk đêx zôngv thiaz zưs trâu blêx liax, chia cov kôngz lông hloz jông thiaz sâu tâu nju.

Cias tov kaz jias gruô hu, têx đồng chí thơưx car huyện, phòng chuyên môn, têx tổ chức đoàn thể huyện thiaz pêx xênhv jok Thẳm, xã Tông Lạnh tưz côngv têk thoz huk têx cưx lias Co Cại, ntêr 3 caik.

Cux zos hâur hnuz ntơư, ntơưv jok Còng, UBPX xã Phổng Lăng tưz kriz jias muk thoz huk têx cưx lias shông 2024.

Nhiv no, xã Phổng Lăng muôx 15 tus njưs tâur đêx, ntêr yax 15 caik.  Cias tov kaz jias gruô hu, cán bộ, công chức thiaz pêx xênhv xã tưz cxiv kho têx cưx lias jok Còng, Dựn, Nóng Pồng, xav hur si ntêr yax 4,1 caik. Hâux lưv côngv têk muk thoz huk têx cưx lias cxơưz cêr shir phaz huôv tsar kôngz lông  shir phaz lus cias têx hnuz hâu shông yiaz, chia muôx txâuk đêx zưs trâu 103 ha blêx liax ntux yiaz hâur thax tsav.