Shông chaix tsav yêz nhaz xênhz 2024 trơưk njiaz luk “Zôngs ntov chai têz qơưk cxiv tsa txux chi chaix tsav yêz nhaz xênhz”. Thành phố tuôr xav zuôr sir jos cov txo tsơưs txix 5% - 10% luôx juk 3 zav têx txuz yêz siz đrâuk, siz tsông, têx nênhs tuôs thiaz nênhs trâus moz, tsik chia yưv têx txuz yêz siz đrâuk, siz tsông, ntos trâus moz hnhar njuôk li shông 2023. Shông 2024, Ban chaix tsav yêz nhaz xênhz cxuô cấp zuôr tsuv sir jos chox car, hlôngr yiaz njiaz luk, hâux lưv fuô kria cêr chai tsav yêz nhaz xênhz trâu pêx xênhv. Cxênhz yuôx tsik so, cov nzor pov têx zav zuôv chai tsav yêz, tsưx hưv cêr nhaz xênhz hâur đrôngs, tsik chia nav ntus cêr. Tsi njênhk têx qơư yêz khênhr siz đrâuk, ntos yêz, lênhx tưs zuôv chai mak bluô ntov nti, chia cov têx yêz tâus cêr nhaz xênhz. Lês ntov nti têx cêr chai por hưv cxuô txox cêr, tsik chia lênhx tưs nav ntus cêr chia muôs hax huv, uô luôv... tsik puz lênhx tưs zuôv chai nzir, yênhx qơư tsik nhaz xênhz trâu têx yêz muk lok hâur thax tsav.