Jias hluôk nênhs tưx zênhv uô hâux lưv jông hâur chaix ntux sor shông 2024 tâu fuô lês txix luz 6 hli txos luz 9 hli, hâur ntơư muôx 4 zav hâux lưv tưx zênhv uô: “Hluôk nênhs tưx zênhv uô hâux lưv jông hâur chaix ntux sor”, “Chaix so ntơưr muôx txiax njis”, “Tưx zênhv uô hâux lưv jông hâur chaix pax cuô đik tơưs”, “Hluôk nênhs công an thiaz tuz lênhv tưx zênhv uô hâux lưv jông” thiaz hâux lưv tưx zênhv “Paz shuv xênhz hâur chaix tưr ntơưr”.

Ntơưv jias no, Thành đoàn tưz gruô hu têx tổ chức đoàn zos zuk saiz car, hluôk nênhs Thành phố tsuv lês hâux lưv siaz đơưz, muôx tsưr ziv, saz lax trâu cấp ủy, nov hâu, đros têx ban, ngành, đoàn thể, cxuô tổ chức xã hội gruô hu tiz nênhs, nhiax, paz uô tiar têx cxênhx cxênhv tso tơưv hâur jias fuô lês; cxơưz hluôk nênhs pâuz uô hâux lưv, txơưx njê, qơư sơưr lol sâuv cxiv kho đuô, cxiv tsa tổ chức đoàn, hội, chox tâu hluôk nênhs cêr thôngx siaz, paz cxiv tsa jêx jok yiaz hov jông, đrôngs vav mênhx, uô ntêx lông, tưx zênhv cxiv tsa qơư nhoz muôx ntâu hlôngr yiaz.

Cias tov kaz ntơư, Thành đoàn tưz krưr 5 hnaz huv trâu shuv xênhz pluôs, muôx luz nênhx txov nhêv nhoz Yar cơưv mầm non thiaz Yar cơưv tiểu học Chiềng Đen; njuôk moz, puz đơưz yuôx nox; kriz “Tsiaz mê nhuôv zâuk xiaz 1/6” trâu shuv xênhz mầm non thiaz tiểu học tsêr cơưv jêx jok Phiêng Nghè nox; tsa tơưv tsưr ziv sâu hlơưr por tsês têx khâuz hnaz zak zưr, flâuz hnaz yuôx por hưv kôngz lông jok Phiêng Nghè...