Txix li muôz xã Chim Vàn thiaz Pắc Ngà kuz lok uô cê, xã yiaz tâu tsa yênhx muôx yax 83% pêx xênhv zos Puôz Ziz, nhoz puôz ntus đêx Đas. Muk txos Pắc Ngà, têx kruô zuôr tâu ntus muôs sâuv đêx Đas luz chaix đêx pur, ndis cxov njêk đêx, saiz par liax ntơưv jok Bước, jok Lừm Thượng. Lok sik ndê sâuv trôngz lor njuôs, đê jâuz har jôngr, đê nxuôz hâur đêx thiaz uô kar hno, zôngv têx txux lov muôx txơưv, tsôngv cưr tix Puôz Ziz tưz uô tơưv têx kar hno kaz li: njêk krưr txux lov cxiaz, graix njêk kâuz, jâuz har jôngr shơư txux lov, jâuz chuz; nox txir pôngr lux kaz jiz, mo môngk liaz hlưz. Iz chas têx kar hno kaz, kruô nuôv zax cux zuôr tâu mnôngs têx suôz cưr cxiax, tuôr têk sênhr chêr lok jêv ntưk.

Thâuv hâu shông 2026, UBPX xã Pắc Ngà tưz tso yar hnuz grâuv pax - thể thao cxuô hair nênhs, zos iz jias chia piar têx txux chi jông cxuô hair nênhs ntơưv xã trâu kruô cxuô qơư. Hâur hnuz grâuv pax, têx txux chi, sênhr chêr, suôz cưr cxiax Puôz Ziz nxê nxênhk zos têx nênhs nthuôr txux chi nhoz cxuô jêx jok chox tuôx nthuôr trâu sơưr saiz. Têx suôz cưr cxiax gôngr jiv, kho siaz khuôr… haik txos cêr gâux đrâus, cêr siz hluz thiaz kruôk têz qơưk hlôngr yiaz, ndo njôngr têx txux chi cênhz cưv iz txưv muôx.

Pos Vì Thị Tiến, zos iz tus cưk txux cuz siaz tsưx hưv txux chi ntơưv xã, haik tiak: Cux iz zav li têx lâuk hâur jok, nưk thâuv tưs cux xar trơưr zuôr uô chak cov kria tâu luz suôz cưr cxiax Puôz Ziz lâuk trâu têx xênhz nzưr. Hâur têx hnuz kaz tuần, hâur nưk luz tsêr tror nxê nxênhk têx suôz hluôk cơưv haik cưr cxiax. Chia siaz njôngr tiak thâuv tưs têx mê xênhz nxưr hloz yênhx nênhs, lơưr zuôr pâuz nhiav zuk têx txux chi, chia siz chos tsưx hưv cov zuk têx txux chi jông pôngz

Chuôz jos “Huôv tsar nuôv zax zuôr tsuv muôx têx txux chi tâu tsưx hưv đros đraiv chia huôv tsar cênhz cưv iz txưv muôx”, cấp ủy, nov hâu xã Pắc Ngà tưz trâu siaz njo fuô kria Đảng, têz qơưk têx cêr chai tsưx hưv thiaz nthuôr huôv têx txux chi cênhz cưv jông cxuô hair nênhs. Iz chas ntơư, bax tsưr ziv cxiv tsa cêr chai tsưx hưv têx txux chi chia fuô lês hâur ntu yiaz.

Xã tưz uô jông têx hâux lưv chia sơưr đơưk siz chos côngv tso yar nthuôr txux chi, nthuôr cêr lov jêv, thể thao chia cxưx nhiax uô vax tsê, cxơưv chuôz zênhx nthuôr cêr lov jêv, cxiv tsa cêr chai jêx jok chia tsưx hưv têx txux chi jông. Tsa têx câu lạc bộ txux chi iz txưv muôx; por hưv thiaz kria luk, sênhr zuôz cưr cxiax, sênhr chêr, têx cênhz cưv jông; tror kho đuô têx cêr đaz cêr kruô Xên bản, Xên mường, nox mor blêx yiaz… Đhâu têx jias no, kruô cxuô qơưk thiax zuôr pâuz mênhx tiz nênhs, txux chi, trôngx têz qơưk ntơưv no chia huôv tsar nuôv zax.

Txos nhiv no, tas nro 16 luz jok hâur xã puôr lênhx muôx tsêr txux chi jok thiaz tâu cxơưv chuôz zênhx yar tiax nthuôr txux chi, muôx chuôz zênhx paz max pêx xênhv nthuôr txux chi, cơưv jêx jok. Tas nro xã muôx 16 paz nênhs nthuôr txux chi; 2 Câu lạc bộ txux chi ntơưv jok Cải B, jok Vàn, iz paz nênhs nthuôr txux chi muôx txix 10-15 lênhx, shâuv thiaz nthuôr tsik so trâu sơưr đơưk saiz hâur têx hnuz muôx cêr lov jêv, Tsiaz, hnuz têz qơưk muôx cxênhx xưv tsênhv chênhz, jêx jok muôx cêr lov jêv

Zơưs Vũ Ngọc Tám, Phó Chủ tịch UBPX xã Pắc Ngà, haik tiak: Xã nhiv kruôr tso yar yênhx côngz jias nthuôr txux chi đaz kruôk Xên bản, Xên mường jias tiv pêz, ntơưv hâur đêx Bó Hoi, jok Bước. Ntơư, zos iz tsar txux chi, đaz kruôk, cênhz cưv jông hâur tsôngv pêx xênhv Puôz Ziz nhoz xã Pắc Ngà. Cux zos iz jias chia sơưr đơưk tâu siz njiz, pêx xênhv jêx jok thôngx siaz; tsik tas li, cux chia nthuôr huôv txux chi.

Iz chas ntơư, xã cux tso yar nthuôr txux chi, uô lov jêv đros đraiv têx hâux lưv huôv tsar nuôv zax thiaz piar muôs hax huv zos kôngz lông. Đhâu têx hâux lưv no, zuôr cxơưz pêx xênhv luz nênhx tâu jông thiaz pâuz cuz siaz siz chos cxiv tsa luz nênhx muôx txux chi cias ntơưv nhiak jêx jok, cxiv tsa cêr thôngx siaz thiaz piar kria têx txux chi, cxuô zav muôx txơưv chia huôv tsar trôngx têz qơưk.

Txos nhiv no, 100% jok thôngz xã Pắc Ngà tưz tsa tâu chai jêx jok; 10/16 luz jok txâuk chai jok txux chi; 67% ziv tâu côngz “Ziv nênhs uô nênhx tsiv txiax, muôx txux chi”. Lês cêr siz tưr nthuôr txux chi, uô lov jêv, thể dục thể thao huôv tsar, tas nro 16 luz jok muôx nênhs nthuôr txux chi; muôx nênhs ntâuk bóng thiaz ndơưk bóng, cxơưz pêx xênhv luz nênhx zênhv hnuz zênhv tâu jông, sơưr đơưk thôngx siaz.

Tsôngv pêx xênhv cxuô hair nênhs xã Pắc Ngà taz tov hlôngr yiaz. Pêx xênhv cux pâuz tsưx hưv zuk têx txux chi cênhz cưv jông đuô. Tâu nov hâu paz max, Tsôngv cưr tix Puôz Ziz ntơưv no taz tov siz chos tsưx hưv zuk têx txux chi, choz kria fâuv hluôk pâuz cuz siaz tsưx hưv têx txux chi iz txưv muôx, chia chuôz jos huôv tsar jêx jok./.