Nthuôr zênhx zav nuôv zax jông kria pâuz 20 đaiv jông yax zos UBPX xã Ngọc Chiến xav tơưv thav txos tox trôngz hâur pêk, txux chi thiaz tiz nênhs thax tsav. Têx đaiv zênhx zav cxaik tâu chaix pax txir tuôz ziz tơưs kror jông gâux, pêx xênhv luz nênhx thiaz mênhx mov xã hlôngr yiaz, uô trâu têx nênhs tuôx saiz lok six nhiav.

Thax tsav nthuôr huv kôngz lông jông thiaz huv OCOP muôx 15 qar tsêr huv, kria pâuz têx huv jông txơưr hlo li txir tuôz ziz, jiz mur, yuôx njuôz, kôngz txir nox hur, ntâuz pas thiaz tsôngk hair nênhs tsơưs. Qơư nthuôr hax huv tâu uô jông bax chia paz kruô zôngx ziv ndis shuôk, đros ntơư siz chos uô luôv hax huv muôx kaz hâu. Têx qar tsêr huv cxơưz cêr lax luôv paz bax txâuk muôs trâu tiz nênhs, cxơưz hnuz grâuv pax ho lov jêv đuô.

Têx hâux lưv nthuôr hâur hnuz grâuv pax chia kruôk trâu pax txir tuôz ziz kror jông gâux yax, hov pax hlôngr njêx muôs trâu tox siaz, kria pâuz xênhz txơưv nuôv zax Ngọc Chiến, huv jông txơưr hlo ntơưv thax tsav, paz têx ziv nênhs, hợp tác xã siz chos uô lax luôv muôx kaz hâu.