Luz 5 hli nhuôv kruôr đhâu,Yar cơưv TH-THCS-THPT Chu Văn An (côngv Yar cơưv Đại học Tây Bắc) tưz kriz cxênhz pênhr xưv zuôr tuz cơưv tuôx cơưv lớp 6 shông cơưv 2026-2027. Sơưr nzor zuôr kriz tưr ntơưr, ntux nas hloz, yar cơưv tưz txiz yax 60 tus đoàn viên thanh niên paz tok tuz cơưv tưr tuôx txos qơư tưr; bax đêx thiaz mik nhux trâu têx nênhs tưr. Lok nas hloz, trik yo ntuz njuôr taz sik têx ĐVTN cux luôs nxi, lov jêv paz nênhs tưr muk trâu qar tsêr tưr.

Cưr Nguyễn Thanh Ngân, Thơưx Paz nênhs jông siaz paz nuv Yar cơưv TH-THCS-THPT Chu Văn An, thav tiak: Iz chas paz Jâus tưr muk cơưv lớp 6, pêz tsênhv paz Jâus tưr muk cơưv lớp 10 thiaz Jâus tưr tốt nghiệp THPT shông 2026. Pêz lok sik jông siaz thiaz shir phaz thâuv tâu paz txos têx tuz cơưv trâu jâus tưr tsênhv chênhz chia tok nrư têx nênhs tưr truôx siaz, njênhs zuk, tưr tâu jông yax.

Jâus tưr tas ntơưr THPT shông 2026, Đoàn Yar cơưv THPT Chiềng Sinh tưz cxiz 155 tus đoàn viên paz jos chaix tưr. Cưr Khổng Huyền Anh, Yar cơưv THPT Chiềng Sinh, thav: Tâu cơưv nzir uô ntêx lơưv, li ntơư hâur 3 hnuz kriz tưr ntơưr, pêz tưz uô nuv paz têx nênhs tưr ntơưr cov tâu jông yax.

Ntơưv têx xã, phường thax tsav tỉnh, ntâuz faz, paz nênhs tưr ntơưr tưz tâu têx tổ chức Đoàn cơ sở fuô lês têx nuv tsênhz mênhx, muôx txiax njis. Tix lâus Lò Văn Tùng, Bí thư Đoàn xã Sốp Cộp, thav tiak: Đoàn xã tưz đros Đoàn têx xã: Púng Bánh, Mường Lạn, Mường Lèo thiaz Zênhx Đriv têz Nậm Lạnh tsa tơưv 5 paz nênhs jông siaz paz nuv, muôx 100 ĐVTN paz chaix tưr ntơưr, tuôr xav 15 luz yêz thâux nênhs tưr tsik zuôr nhiax; gruô hu têx đơn vị, tsêr luôv paz 70 thôngz đêx, nduôr thax nox.

Lês cxiax cxênhv paz jos chaix tưr ntơưr shông 2026, Ban Thường vụ Tỉnh đoàn tưz chox car têx cơ sở đoàn cxiv tsa cêr xav thiaz gruô hu đoàn viên paz jos chaix tưr ntơưr; kriz têx nuv uô cov tâu nhiax quỹ, gruô hu nhiax xã hội paz jos chaix tưr ntơưr. Hâur têx jâus tưr đhâu lok, hur si tỉnh tưz txiz 200 paz nênhs jông siaz paz nuv, txiz jê 4.000 lưv tus nênhs jông siaz paz jos chaix tưr ntơưr.Têx nênhs jông siaz paz nuv thâuv tưs cux muôx njêx muôs nzor ntơưv yênhx qơư tưr kria, phaiz cêr yêz muk lok; phaiz 23.300 hưx đêx hâuk, 8.800 taik mik nhux, 5.900 poz nduôr suôz thax thiaz kar nox sai, 2.299 poz kar nox tsik zuôr nhiax, đros yênhx châuv cxênhz chuôz zênhx cơưv ntơưr thiaz kar nox paz têx nênhs tưr ntơưr.

Cưr Lò Thị Mai Lan, tưr ntơưr qơư tưr Yar cơưv THPT Tô Hiệu, thav: Cur tsêr nhoz jok Púa Nhọt, phường Chiềng Cơi, đêz yar cơưv 20 caik. Hâur 2 hnuz tưr, cur tâu paz 2 pluôk nox yaik thiaz 1 pluôk nox su tsik zuôr nhiax, paz cur muôx jos uô baix jông đuô.

Muôv Cầm Thị Huyền Trang, Bí thư Tỉnh đoàn, thav pâuz: Cxuô jâus paz jos chaix tưr ntơưr shông no, têx cơ sở đoàn tưz huôv nzir cêr uô ntêx lông, jông siaz paz nuv viv tsôngv nênhs ntu nênhx ntơưv ĐVTN. Têx cơ sở đoàn xã, phường tsik muôx qơư tưr mal tưz ndo njôngr iz côngv đros têx cơ sở đoàn muôx qơư tưr chia fuô lês jông siaz paz nuv. Lar haik, nhiax gruô hu têz qơư paz cux tâu têx cơ sở đoàn fuô lês muôx liv, paz jông yax trâu nênhs tưr ntơưr, siz paz trâu jâus tưr ntơưr nhaz xênhz, yênhx côngz.

Txix li uô ntêx lông, têx nuv uô paz jos chaix tưr ntơưr shông 2026 tưz fuô lês zênhx max, muôx liv, haik tsênhz qơư sơưr đros lês tsênhv chênhz ntơưv ĐVTN hâur iz luz chaix tưr ntơưr. Têx đuôz hluôs nênhs hnar yo xiar uô nuv ntơưv yênhx kror qơư tưr ntơưr siz côngv trâu cêr yênhx côngz ntơưv cxuô jâus tưr thiaz uô tâu jông muk đêz đar têx nuv uô jông, pov njôngr txiax njis hluz nênhs hâur tsôngv nênhs.