Haik txos hâux lưv kria hâur pâuk ntơưr trâu pêx xênhv thax tsav đriv têz, Trung tá Lao Thắng Xênhv Muôk, Chính trị viên Zênhx đriv têz Mường Lạn, huyện Sốp Cộp, haik tiak: Đơn vị tưz đros Phòng Choz kria huyện thiaz xã Mường Lạn, Yar cơưv PTDT bán trú tiểu học Mường Lạn, kriz têx lớp kria hâur pâuk ntơưr fiv huv yênhx fâuv pêx xênhv, yênhx luz jok, yênhx thax tsav đriv têz. Iz chas ntơư, cux cxênhz têx nênhs cơưv chia pov kaz kria cov fiv huv. Txos nhiv no, đơn vị tưz kria tiar 8 lớp hâur pâuk ntơưr, hur si muôx 220 lênhx nênhs cơưv; taz tov lês ntu 2 côngz xưv kria hâur pâuk ntơưr hâur thax tsav thiaz thâuv tưs cux muôx trơưr 2 lớp kria hâur pâuk ntơưr ntơưv 2 luz jok, 80 lênhx nênhs cơưv. Đhâu cơưv, têx nênhs cơưv tưz pâuz nhênhv, pâuz sâu, mnôngs thiaz haik tâu luk, xav fax tâu kror zôngx ziv.

Haik txos hâux lưv kriz lớp kria hâur pâuk ntơưr trâu pêx xênhv nhoz đriv têz, đại úy Nguyễn Duy Hiển, Chính trị viên Lưv thơưx car Zênhx đriv têz Chiềng Sơn, huyện Mộc Châu, haik: Thâuv luz 4 hli xiaz nhiv kruôr đhâu, đơn vị tưz đros kriz lớp kria hâur pâuk ntơưr ntơưv jok Sa Lai, xã Tân Xuân, huyện Vân Hồ. Lớp no, muôx 30 lênhx txix 15 txos 60 shông. Đhâu yax 1 hli cơưv, têx nênhs cơưv tưz pâuz nhênhv, pâuz sâu ntơưr. Đhâu lớp cơưv hâur pâuk ntơưr, tuz lênhv thiaz pêx xênhv tưz thôngx siaz đuô, lês jông hâux lưv “Pêx xênhv tsưx hưv đriv têz nhaz xênhz” truôx đuô.

Yênhx shông, Bộ Chỉ huy Tuz lênhv đriv têz tỉnh tưz chox car cxuô zênhx đriv têz đros phòng choz kria ntơưr cxuô huyện đriv têz saz lax trâu cấp ủy, nov hâu cxuô qơư siz chos lês jông hâux lưv. Đại tá Vũ Đức Tú, Lưv Chính ủy Bộ Chỉ huy Tuz lênhv đriv têz tỉnh, haik: Pêz tưz zok hâux lưv trâu 15 tus cán bộ, sỹ quan, tuz lênhv muk kria hâur pâuk ntơưr. Đros ntơư, cus uô jông siz chos fuô lês côngz xưv sơưr đơưk cơưv shâuv thax tsav đriv têz hâur tỉnh.

Txix shông 2012 tax txos hli 3/2023, têx zênhx đriv têz: Mường Lạn, Mường Lèo, Nậm Lạnh (Sốp Cộp), Chiềng Sơn (Mộc Châu), tưz đros Phòng choz kria ntơưr huyện Sốp Cộp, huyện Vân Hồ thiaz têx yar cơưv thax tsav đriv têz 2 huyện siz chos fuô kria, gruô hu, kriz 35 lớp kria hâur pâuk ntơưr trâu 801 lênhx. Suôx câuv lớp cơưv, 100% lênhx nênhs cơưv tâu cxênhz yuôx, muôz ntơưr chứng nhav cơưv tiar hâur pâuk ntơưr. Nhiv no, têx zênhx đriv têz Mường Lèo, Mường Lạn, Chiềng Sơn taz tov kria 4 lớp hâur pâuk ntơưr trâu 145 tus nênhs cơưv.

Têx Zênhx đriv têz tsênhv đros têx yar cơưv nhoz thax tsav đriv têz kria fuô kria chai pox niav txir nênhx vax huôv siz luôs, têx zav tsik jông tiv tuz nxaik cxênhz jê tror siz tror zuôr, phax tar nênhs uô luôv zênhz, kuôr zênh; gruô hu shuv xênhz muk cơưv ntơưr... Iz chas ntơư, cux đros 100% yar cơưv hâur thax tsav đriv têz siz khov, cxuô đơn vị têx Zênhx đriv têz thiaz yar cơưv, cxơưz paz trâu têx hluôs nênhs pâuz cuz siaz cơưv shâuv.

Iz chas ntơư, lês luôs hâux lưv “Paz cov têx mê nhuôv zâuk tâu muk cơưv ntơưr thiaz tu mê nhuôv puôs Zênhx đriv têz”, txix shông 2016 txos nhiv no, têx Zênhx đriv têz tỉnh tưz paz 81 tus shâuv xênhz thax tsav đriv têz txix li cơưv tiểu học tax tas ntơưr THPT, zos mê nhuôv vax tsê txov nhêv, mê nhuôv njuôs; mê nhuôv ziv nênhs têz qơưk muôx chai paz; shuv xênhz Lok Tsuôk nhoz puôz đriv têz vax tsê txov nhêv, tâu paz 500.000 nhiax/hli. Hâur ntơư, muôx 10 tus mê nhuôv tâu chox lok tu cias ntơưv têx zênhx đriv têz. Tsik tas li, tsênhv uô yaik tsi so trâu 75 tus mê nhuôv cơưv ntơưv tsêr cơưv Buốc Pát thiaz Yar cơưv PTDT bán trú tiểu học - THCS Lóng Sập, huyện Mộc Châu.

Đại úy Hôx Xênhv Thox, Chính trị viên Phó Zênhx đriv têz Chiềng On, huyện Yên Châu, haik: Cán bộ tuz lênhv hâur đơn vị chia siaz njôngr tiak têx mê nhuôv txov nhêv zuôr tâu muk cơưv ntơưr cxix cxuô, li ntơư đơn vị taz tov zus 8 tus shuv xênhz trơưk luôs hâux lưv “Paz cov têx mê nhuôv zâuk tâu muk cơưv ntơưr” iz tus 500 cxênhz nhiax/hli; 2 tus mê nhuôv tâu chox lok tu ntơưv đơn vị, zos CBCS côngv nhiax paz.

 Lês Dự án “Cán bộ, chiến sĩ tuz lênhv paz têx mê nhuôv cov tâu muk cơưv ntơưr”, shông 2022, Bộ Chỉ huy Tuz lênhv đriv têz Sơn La tưz paz 120 tus mê nhuôv, zos hair nênhs tsơưs nhoz đriv têz, vax tsê txov nhêv, mê nhuôv têx nênhs tâu pêx xênhv njênhs, nênhs cuz siaz por hưv đriv têz zos tsôngv pêx xênhv hair nênhs tsơưs, iz tus tâu paz 1.100.000 nhiax/hli (paz hâur 9 luz hli/shông cơưv). Đơn vị tưz gruô hu têx tsêr luôv, têx paz pơưs, tus khênhx siaz đơưz paz uô tâu 16 qar tsêr cơưv, tsêr trâu cưk kria nhoz, tsêr mor trâu shuv xênhz nhoz thax tsav đriv têz, xav zuôr luôs 4 tỷ nhiax.

Têx đuôz zênhx zav chiến sỹ chox côngz mênhx njuôz taz tov kria ntơưr tưz yênhx têx nênhs tâu pêx xênhv sưv nhoz thax tsav đriv têz. Têx tuz lêhv tưz sir tas đas jos paz pêx xênhv cxuô tsar zav, lês jông hâux lưv “Pêx xênhv tsưx hưv đriv têz nhaz xênhz” truôx khor, por hưv tâu vax huôv, đriv têz qơưk nhaz xênhz hâur ntu nênhx yiaz./.