Qơư tênhz tso, kria nênhs tuôx saiz 80 đaiv zênhx zav, têx zav muôx gri cik txos cxênhx xưv ntâuk zênhx kaz têz qơư, têz qơư sâu ntưr uô iz luz (30/4/1975 - 30/4/2025), tâu phaiz yênhx 2 phênhv.  Phênhv I - Sơn La đros cêr zênhx tsor tros lox ntux Yiaz shông 1975, kria cêr uô tsor uô tros thiaz qơư sơưr ntơưv tỉnh Sơn La hâur ntu tir ntâuk Mỹ; têx đuôz zênhx zav, ntâuz ntơưr lok sâuv cêr paz ntơưv pêx xênhv Sơn La trâu yar tros kaz têz qơư, côngz xưv ndo txiax njis yar ntux ntơưv Sơn La txos têx anh hùng, liệt sĩ, thương binh, ziv nênhs muôx côngz.

Phênhv II – Têz qơư muôx cêr lov jêv huv siaz, kria ntu uô têz qơư, cêr tuôx txênhz têz qơư ntơưv zênhz nduôz Mỹ thiaz cêr tir ntâuk tros ntơưv pêz tos tiz nênhs, têx cêr siz tưr char ndâux luk chính trị, triav fov hâur têz qơư; cêr ntâuk tsor tros lox hloz, têx đuôz zênhx zav, ntâuz ntơưr lok sâuv têx hnuz hli uô têz qơư txos trâu kror ntâuk zênhx tros trâu hnuz 30/4.

Qơư tênhz tso paz max fuô kria muk đêz đar lok sâuv txiax njis, cêr lox hloz, muôx nux gri uô têz uô qơư lox hloz ntơưv cxênhx xưv lok sâuv ntâuk zênhx kaz têz qơưk, têz qơư sâu ntưr uô iz luz. Haik tsênhz qơư sơưr, cêr paz ntơưv Đảng bộ, nov hâu, tuz lênhv thiaz pêx xênhv tỉnh Sơn La hâur côngz xưv tir ntâuk tros Kaz têz qơư tiax tuk. Kri têx hâux lưv uô tâu lok sâuv huôv tsar nhiax txiax - xã hội, tsưx hưv têz qơư – njias to ntơưv tỉnh Sơn La hâur 50 shông đhâu,tov kaz no têz qơư sâu uô iz luz .

Qơư tênhz tso zênhx zav “Jax cưr cxiax sâu ntưr uô iz luz têz qơưk” piz tok kruô ndis saiz tsik zuôr nhiax txix hnuz 23/4 suôx câuv trâu hnuz 30/4/2025.