Cêr gas siaz txix jax cưr cxiax Poz Ziz “Xống chụ xôn xao” (Xa nthuôk tus nênhs zuk nhiav) – jax cưr cxias kruôk cêr plênhk gâux đrâus, cêr siz ndaiv thiaz tâu siz njiz, tênhz tso zos têx hâux lưv txơưx fiv ntơưv 4 tus cưk txux Thu Trần, Tây Phong, Lê Thị Minh Tâm thiaz Nguyễn Trần Thảo Nguyên. Txix li têx luk cok sâu, suôz trax thiaz cêr xav piar txos, têx cưk txux tror kaz uô jông li cêr tsưx tsês ndo njôngr hâur siaz njưk, piar đuô txos jax đaz nênhs cêr gâux đrâus thiaz saiz hloz blôngx siaz tus pox niav Poz Ziz-ndax ndênhk, iz luz siaz truôx khor.

Qơư tênhz tso trâu oz luz tsêr tsar lơưx cênhz cưv, saz hâur đai 150 grok ntok ntâuz, đros 100 luz trâu xor, 5 qơưs xor caz lox tâu trax ntâu tsar zav trâus jênhk trâu đaiv ntâuz Oganza xiv liaz yiaz, shơư têx xor tik uô yênhx iz txox cêr txux buôs. Sâuv trur tsêr zos 7 mênhv tuôr xav zos ntâuz đos đis ntêr 25m, tâu trax thiaz tso muôs ntak sâuv trur tsêr lok txos tsar lơưx, uô trâu cêr xar txos đrav ntêx nhoz hâur siaz njưk, ntơưv têx xor caz siz hluz txuôk tâu đrav ntêx thiaz nhiv no.

Kriz txix hnuz 9-12/10, tênhz tso “Xống chụ xon xao” tưz uô trâu iz kro qơư nthuôr txux jông saiz, muôx txux ntơưv đruôz đraz Yar tiax lox Tây Bắc, muôx chôngz tus pêx xênhv thiaz kruô nuôv zax tuôx saiz, shuôk. Kror haik hâur qơư mak zos 17 kro cok sâu jông, pov njôngr kror pov yiaz lok sâuv tus pox niav Poz Ziz – nênhs tsưx tsês cêr nox nhoz, txux chi thiaz njux plis ntơưv trôngx têz hnuz pôngz (Tây Bắc).