Nhoz hâur jias kriz tênhz tso zuôr muôx ntâu zav hâux lưv jông li: Tênhz tso đuôz zênhx zav “Kror jông hâur têz qơưk – tiz nênhs tox siaz”, “Têx txux chi jông cxuô hair nênhs nhoz jêx jol”; qơư tênhz “Têx zav jông nhoz jêx jol” tsênhv tênhz tso têx tsôngk hnar, chuôz zênhx zos txux chi iz txưv muôx thiaz hno nox kaz ntơưv pêx xênhv cxuô hair nênhs; cxuô câu lạc bộ sênhr chêr côngv tưr têx jax sênhr chêr cxuô hair nênhs, kruôk txos tox trôngz hâur pêk txux chi thiaz tiz nênhs tox siaz hâur ntu nênhx yiaz.

Txos nhiv no, Ban tổ chức tưz uô tiar thax tsav tênhz tso đuôz zênhx zav; cxuô đơn vị, thax tsav tưz moz siaz bax, uô tiar cxuô qar thaz nzưr, nhav nxias cxuô zav chia tênhz tso cov tâu yênhx côngz.

Tênhz tso “Têx zav jông nhoz jêx jol” zos hâux lưv txux chi muôx txiax njis chia fuô, kria txos cêr huôv tsar txux chi, thể thao, nuôv zax thiaz têx txux chi iz txưv muôx ntơưv pêx xênhv cxuô hair nênhs thax tsav tox siaz txos trâu têx fôngx zưs hâur têz qơưk thiaz oz chas têz qơưk. Đhâu ntơư, paz iz phênhv tưs tsưx truôx, huôv tsar thiaz kruôk txos têx txux chi cxuô hair nênhs; cxơưz paz trâu cxuô cấp, cxuô ngành pâuz, lês zuk phênhv shuôv lol sâuv fuô lês trơưk Nghị quyết số 80-NQ/TW ntơưv Bộ Chính trị lol sâuv huôv tsar txux chi Việt Nam thiaz Nghị quyết Đại hội đại biểu tas nro têz qơưk jâus tiv 14 ntơưv Đảng. Đros ntơư, chia cxuô thax tsav muôx cêr siz khov, siz chos cơưv shâuv hâur jias kriz cxuô zav txux chi sênhr chêr thiaz fuô kria nuôv zax./.