Trơưk li cxênhz sai ntơưv Sở Kôngz lông thiaz Môi trường, txos 11 six hnuz 11/7, tas nro tỉnh tsik hiav txos tiz nênhs. Lok nas hloz hiav txos 56 zis pêx xênhv nhoz têx xã Mường La, Mường Bú, Mường Khiêng, Chiềng Hoa thiaz Chiềng Lao, hâur ntơư muôx 28 zis tâu yêv zênhx max mul trâu qơư tsik poz. Cias xã Mường La mas hiav saz yax đros trâu 19 luz tsêr, muôx 3 luz vâu tas hur si, 15 luz tsêr tâu yêv zênhx max thiaz 1 luz tsêr bán trú; iz chas ntơư, tsênhv muôx 5 zis thiaz 1 kror qơư muôs trox yêz mas đêx nhaz.

Ntux lol nas cux hiav puôk 164,3 ha blêx liax, 45 ha kôngz lông thiaz ntông nox txir, 6,55 ha pax đêx zus njêk. Ntâu ntu cêr yêz têz qơưk, cêr tỉnh thiaz cêr xã, cêr jêx jol poz cxuz, mul lol tsik tâuk đhâu; muôx 2.500 thiar cưx lias, 800 thiar njưs thair đêx cux puôk. Iz cxia yar cơưv, tsêr txux chi mas poz cxuz; hiav txox hluô điện 35 kV tu tsik muôx trâu 48 trạm biến áp, hiav txos 4.199 tus kruô nhoz têx xã Mường La, Chiềng Lao thiaz Mường Bú tsik muôx điện tơưk. Xav hiav pôngz tas 31,1 tỷ nhiax, hâur ntơư xã Mường La pôngz lơưv 25 tỷ nhiax.

Cias tov kaz mas ntux nas hiav, Sở Kôngz lông thiaz Môi trường tưz muôx têx paz côngz xưv mul cxênhz têx thax tsav mas ntux nas hiav saz, đros nov hâu cxuô xã cxênhz têx zav mas ntux nas hiav, chox car fuô lês cxuô faz tsưr ziv cxiv kho đros trâu njiaz lul “4 cias ntơưv qơư”.

Đros ntơư, cxuô thax tsav tưz gruô hu cxuô paz nênhs đros yaik pêx xênhv mul nhoz trâu qơư nhaz xênhz, cxok ndêx kria trâu têx thax tsav riaz nênhs, bax yêz, nênhs nhoz trâu têx ntu cêr nziv poz cxuz chia thoz huk cêr yêz; ngành điện zênhx max cxiv kho têx hluô, ndêx puôk, chia muôx điện trâu thax tsav mas ntux nas hiav.

Trơưk li fuô ntux tsênhv zuôr lol nas hloz, Sở Kôngz lông thiaz Môi trường tưz chox car cxuô thax tsav jor uô hnuz uô hmo, cxênhz sox ntux yar ntux nas, cxênhz cxuô thax tsav nziv mas đêx nhaz, tox poz; muôx tsưr ziv yaik pêx xênhv, nhav nxias nhaz xênhz trâu nênhs thiaz pêx xênhv têx chuôz tav, đros ntơư tror cxênhz, sâu têx zav mas hiav thiaz fuô lês tsưr ziv kho đơưk têx zav mas ntux nas hiav.