Jâus tưr tâu tso luk lês txix luz 4/2026, chia trâu mê nhuôv zâuk ndêv nduô muôx 6 txos 15 shông taz tov cơưv ntơưr ntơưv têx yar cơưv tiểu học, trung học cơ sở thiaz sinh hoạt ntơưv têx câu lạc bộ, paz, côngs nthuôr txux thax tsav tỉnh. Đhâu jâus sơ khảo muôx 60 jax nthuôr lês, Ban kriz lês tưz xair 27 jax jông yax muk tưr ntơưv jâus suôx câuv.

Ntơưv jâus tưr, têx thí sinh tưr têx njiaz luk: Haik cưr cxiax, sênhr chêr, zox iz chê thiaz ntâuk trax. Têx jax côngv no tưz kruôk txos jêx jok, têz qơưk, yar cơưv, cưk kria thiaz cêr lov jêv, shir phaz lus ntơưv nhuôv zâuk. Ntâu jax tâu xav uô cxix cxuô, muôx tsôngk hnar, trax thiaz faz nthuôr txux, uô tâu jông cêr gas siaz sâuv yar tiax, uô trâu muôx cêr lov jêv, txâuk siaz, chơư tâu chôngz tus nênhs tuôx cxơưz jos.

Jâus tưr zos yar uô si truôx njês, tsênhz mênhx hơưv tok saiz hloz 85 shông Hnuz tsa tơưv Paz Thiếu niên Tiền phong Hồ Chí Minh (15/5/1941-15/5/2026). Đros ntơư, muôx cêr jông chia têx nhuôv zâuk siz njiz, siz nus, tâu siv thiaz cơưv shâuv cêr njênhs hâur cêr nthuôr txux, nthuôr chi. Đhâu jâus tưr, pov tâu ntâu tus nhuôv zâuk txơưx njê, choz kria nzir thiaz bax tâu tsês, paz muôx têx nênhs uô ntêx lông lês têx cêr nthuôr txux chi, cưr cxiax ntơưv tỉnh trâu ntu zuôr txos.

Suôx câuv jâus tưr, Ban kriz lês tưz choz 4 zênhx tiv iz, 6 zênhx tiv oz, 7 zênhx tiv pêz, 10 zênhx cxơưz jos thiaz 2 zênhx yax hlo trâu têx tus khênhx, câu lạc bộ tưr tâu jông yax ntơưv njiaz luk tưr.