Jâus zok nriar cêr txơưx njê nhuôv zâuk tỉnh Sơn La shông 2024 tâu fuô lês txix luz 4/2024 txos têx huyện, thành phố thiaz têx trung tâm, CLB nthuôr txux nhuôv zâuk thôngz hur si tỉnh. Ntơưv  jâus xuz tưr tưz muôx yax 30 jax chos luk tuôx tưr, Ban kriz tưr thiaz Ban giám khảo tưz tso điểm thiaz xair tâu 16 jax chia tưr jâus suôx câuv. Iz tus nênhs tưr, côngs tưr lês 1 jax txux trơưk zuk tưx xair, tâu chai sir zôngv cưk txux pir txos cxuô zav: Sênhr chêr, haik cưr cxiax, ntâuk trax, đhia sênhr dance sport, đhia thể thao, đhia zox chêr txux ntiax têz đros njiaz luk kruôk jêx jok, têz qơưk, cêr luôs nxiak lov jêv thiaz jông saiz ntơưv nhuôv zâuk.

Cxuô jax txux tưr jâus suôx câuv tâu shâuv nzơưk, cơưv shâuv ntov;  cêr nthuôr cxix cxuô, txơưx nzir txux, pov njôngr cêr txơưx txơưr hlo jông yax; ntâu jax txux nthuôr blias lênhk, trâus chôngz tus nênhs tuôx saiz shuôk siaz nhiav cxơưz, paz jos.

Jâus tưr zos yar lov jêv muôx liv chia têx nhuôv zâuk tâu nthuôr zuk têx cêr txơưx njê ntơưv yênhx tus khênhx; đhâu ntơư paz ziv nênhs, yar cơưv xav tâu faz choz kria thiaz kria nzir cêr txơưx njê, kria cêr nthuôr txux jông chia têx mê nhuôv yênhx nênhs uô ntêx lông trâu têx hâux lưv nthuôr txux ntơưv nhuôv zâuk tỉnh.