Bộ Chỉ số paz pêx xênhv, tsêr luôv uô tiar ntâuz ntơưr tâu sai zos cxênhz yuôx hâux lưv txo tsơưs ntâuz ntơưr thiaz tu ntâuz ntơưr sâuv huôz chuô điện tử, trơưk 5 paz tiêu chí: ndax ndênhk, mênhx pêv; hlôngr yiaz, têx hâux lưv uô tâu hâur tu tiar ntâuz ntơưr; số hoá ntâuz ntơưr; uô luôv tsưr ziv tu ntâuz ntơưr trực tuyến thiaz zuôr tâu pêx xênhv thiaz tsêr luôv kror jông siaz.

Zơưs Nguyễn Văn Thản, Chủ tịch UBPX phường, kria pâuz: Zos phường zov chênhr ntơưv tỉnh, muôx ntâu hâux lưv uô. Viv li, cias thâuv piz lês, phường tưz uô trơưk njiaz luk “Saiz pêx xênhv, tsêr luôv lok six zov chênhr", pêx xênhv kror jông siaz chia cxênhz uô tâu thiaz tsik tâu hâux lưv. Trung tâm Paz tu ntâuz ntơưr hâur phường tâu kriz trơưk tsưr ziv “iz kror trôngx” hlôngr yiaz, sir zôngv siz luôs jok têx cxênhx cxênhv số, truz lur six hơưv tu ntâuz ntơưr, nhav nxiak ndax ndênhk, mênhx pêv cxênhx cxênhv tu tiar ntâuz ntơưr.

Cias tov kaz piz lês hâux lưv trơưk tsưr ziv 2 cấp, UBPX phường Chiềng Cơi tưz tso tơưv tsưr ziv txo tsơưs ntâuz ntơưr muôx 8 cxênhx cxênhv, 37 hâux lưv; phaiz mênhx pêv phênhv shuôv trâu yênhx cán bộ, công chức hâur ntu fuô lês. Côngz xưv chox car tâu txuôs jông tsik tsês đhâu têx jias cơưv UBPX, zênhx max đơưk tâu sai têx nhov nhêv, khuôv đais hâur ntu fuô lês hâux lưv. 

Zov chênhr hâur txo tsơưs ntâuz ntơưr tâu phường tsov xav zos txo tsơưs ntâuz ntơưr, hlôngr yiaz muôx kaz hâu Trung tâm Paz tu ntâuz ntơưr hâux lưv trơưk cêr chai “iz kror trôngx”, “ iz kror trôngx thôngz plơưk”. Têx cêr chai txo tsơưs ntâuz ntơưr tâu raik mênhx pêv cxix cxuô; cxênhx cxênhv txaik nhav, tu tiar ntâuz ntơưr, paz pêx xênhv, tsêr luôv zôngx ziv tuôx uô ntâuz ntơưr tâu sai. Txix thâuv uô hâux lưv, phường tưz txaik tâu 3.497 ntâuz ntơưr, hâur ntơư, 2.294 ntâuz ntơưr txaik nhav trực tuyến thiaz 903 ntâuz ntơưr txaik nhav cias ntơưv qơư. Tưz tu tiar 3.473 ntâuz ntơưr, yuôr 24 ntâuz ntơưr taz tov tâu tu zos chai; muôx 6 ntâuz ntơưr đhâu hnuz nhôngs. Têx  kror uô tâu no tưz kria pâuz têx cán bộ, công chức kror sir jos hâur hlôngr yiaz txo tsơưs ntâuz ntơưr, nhav nxiak zos cêr tuôr xav thiaz cêr chai tso tơưv.

Đros trâu txo tsơưs ntâuz ntơưr, phường Chiềng Cơi tsênhv hlôngr yiaz Trung tâm Paz tu ntâuz ntơưr hâux lưv. Tix lâus Lù Văn Dũng, Vax huôv Giám đốc Trung tâm, thav tiak: Têx cán bộ, công chức tâu phaiz mênhx pêv phênhv shuôv, tsik so kria pâuz, paz pêx xênhv tu tiar ntâuz ntơưr tâu sai, lar haik têx tsưr ziv tu ntâuz ntơưr trực tuyến. Phường cux tsik tsês sir zôngv công nghệ thông tin, số hóa ntâuz ntơưr thiaz kria pâuz têx hâux lưv uô tâu hâur paz tu tiar ntâuz ntơưr, cxơưz hlôngr yiaz muôx kaz hâu hâux lưv saiz car thiaz grêk tsơưs hnuz nhôngs tu ntâuz ntơưr. 

Đros ntơư, phường tsênhv moz siaz fuô lês têx hâux lưv hlôngr pâur số, zaz zâuv, kria pêx xênhv pâuz kriz zôngv tsưr ziv “Pêx xênhv số” thiaz tsưr ziv xênhv bê điện tử VNeID. Chia huôv tsar đêz đar hlôngr pâur số txos yênhx thax tsav muôx pêx xênhv nhoz chôngz, phường tưz cxiv tsa tâu 106 chi hội số muôx 2.822 thành viên txix têx tổ chức chính trị - xã hội. Têx chi hội số yênhx tsôngv nênhs zov chênhr hâur zaz zâuv, kria pêx xênhv pâuz kriz zôngv têx cxênhx cxênhv số, paz pêx xênhv to tâuz txơưx sir zôngv tsưr ziv số.

Shông 2026, phường Chiềng Cơi tror fuô lês tsưr ziv hlôngr pâur số đros trâu ntâu hâux lưv thiaz tsưr ziv uô mênhx pêv, moz siaz huôv tsar hạ tầng số thiaz cxiv tsa nov hâu số. Phường tưz tsik tsês uô luôv tsưr ziv tu ntâuz ntơưr trực tuyến, sir jos yax 70% ntâuz ntơưr tâu tu tiar trực tuyến; đros ntơư, moz siaz tror tuôr xav đuô cxênhx cxênhv, txo tsơưs ntâuz ntơưr trơưk số hóa ntâuz ntơưr, tror sir zôngv ntâuz ntơưr, tsik tsês sir zôngv thôngz plơưk điện tử thiaz thêv nhiax trực tuyến. Hạ tầng công nghệ thông tin ntơưv Trung tâm Paz tu ntâuz ntơưr tror tâu uô tiar, cxơưz hlôngr yiaz muôx kaz hâu têx qơư uô côngz xưv têz qơưk hâux lưv thiaz paz pêx xênhv, tsêr luôv uô tiar ntâuz ntơưr tâu sai.

Đros trâu têx tsưr ziv uô siz luôs jok hâur txo tsơưs ntâuz ntơưr thiaz hlôngr pâur số, 2 hli hâu shông 2026, phường Chiềng Cơi tror txuôs jông qơư sơưr uô ntêx lông têx thax tsav lok sâuv Bộ chỉ số paz pêx xênhv, tsêr luôv uô tiar ntâuz ntơưr tâu sai. Đhâu no, iz phênhv tưs cxiv tsa nov hâu số ntơưv cơ sở, hlôngr yiaz muôx kaz hâu hâux lưv saiz car têz qơưk thiaz paz pêx xênhv uô tiar ntâuz ntơưr, cxơưz huôv tsar nhiax txiax, xã hội hâur thax tsav./.