Pos Tòng Thị Kiên, Phó Chủ tịch UBPX huyện, haik pâuz: Huyện tưz moz siaz lês jông côngz xưv fuô kria cêr chai têz qơưk thiaz têx ntâuz ntơưr chox car lok sâuv côngz xưv cxuz cêr yaiz pluôs; côngz xưv fuô kria puôr lênhx tâu cxuô cấp ủy đảng, nov hâu, MTTQ thiaz têx đoàn thể moz siaz lês, nthuôr huôv thiaz lês tâu jông. Txix ntơư, cấp ủy đảng, nov hâu thiaz pêx xênhv tưz pâuz, txâuk siaz, thôngx siaz, gruô hu cxuô lênhx cxuô tus côngv têk cxuz cêr yaiz pluôs.

Hâur ntu 2021-2023, huyện Sốp Cộp tưz muôz yax 170 tỷ đaiv chia lês hâux lưv; hâur ntơư, nhiax ntơưv Trung ương yax 166 tỷ đaiv, nhiax hâur thax tsav tâu yax 4,5 tỷ đaiv chia huôv tsar uô kôngz lông, paz pêx xênhv muôx hâux lưv uô, kriz đar têx qơư sir jos tơưv đhâu cêr pluôs; dự án huôv tsar uô kôngz tâu fuô lês yiaz; kriz đar têx qơư moz siaz huôv tsar uô nox tơưv đhâu cêr pluôs; muôz nhiax uô têx hâux lưv zov chênhr ntơưv têx xã, paz max trâu pêx xênhv uô nox, uô hâuk, pâur muôs hax huv. Huôv tsar tsưr ziv kria uô hâux lưv thax tsav tsênhv pluôs, njiz cêr phiv liv; kria tsưr ziv uô hâux lưv truôx njês. Paz nhiax uô qơư đêx hur sir zôngv, tsêr txux chi, yar cơưv, cêr yêz jêx jok, cưx đêx...

Txos nhiv no, Sốp Cộp muôx 8/8 xã lês tiar hâux lưv choz kria THCS thiaz cơưv thênhv tiểu học trơưk cêr tuôr xav. Têx nênhs zuôr BHYT tâu 51.772 lênhx (99.81%). Paz kria cêr chai têz qơưk trâu zis pluôs tâu huyện moz siaz chox car fuô lês txos cxuô xã, jol, moz siaz txos têx xã, jok njiz ntâu cêr phiv liv, thax tsav tox siaz, đêz đrôngs, thax tsav đriv têz, txix shông 2021 txos nhiv no, tưz muôx yax 16.000 lênhx nênhs tâu fuô kria cêr chai têz qơưk. Ntu 2021 - 2023, tưz muôx 11.732 lưv zis pluôs, zis tâu nênhs muôx côngz tâu paz yax 7 tỷ nhiax chia thêv nhiax điện.

Lês cêr chai muôz nhiax trâu sơưr đơưk txaik thêv nhiax tsav liv tsơưs, txos nhiv no, hur si têx nhiax tsik tâu txos hnuz nhôngs thêv ntơưv Tsêr nhiax CSXH tâu zuôr luôs 354 tỷ đaiv; têx hâux lưv tso txaik nhiax tưz paz trâu zis pluôs, jê cêr pluôs, zis nhiv kruôr tơưv đhâu cêr pluôs lês hâux lưv, muôz nhiax trâu shuv xênhz njiz ntâu cêr phiv liv txaik thiaz tso txaik nhiax uô qơư đêx hur, uô tsêr đa đêx, zok nriar hâux lưv uô, paz zis pluôs uô tsêr nhoz zos pêx xênhv hair nênhs thax tsav njiz ntâu cêr phiv liv, zis pêx xênhv hair nênhs tsơưs pluôs...

Đhâu têx cêr chai choz kria ntơưr, zok nriar hâux lưv uô, huyện tưz muôz zuôr luôs 24 tỷ nhiax trâu 455 lênhx nênhs uô nuv chia zok nriar hâux lưv uô; siz chos zok hâux lưv uô trâu 5.184 lênhx nênhs; siz chos kriz fuô kria qơư xar zuôr nênhs uô hâux lưv thiaz kria tsưr ziv uô nuv trâu yax 1.400 lênhx nênhs nhoz shông uô nuv thiaz shuv xênhz; tưz muôx 2.579 lênhx nênhs muk uô hâux lưv trâu oz chas tỉnh; kriz kria uô hâux lưv trâu yax 928 lênhx đros trâu hur si nhiax yax 3,3 tỷ nhiax.

Đros ntơư, têx cêr chai lok sâuv paz têx nênhs txov nhêv hla đhâu cêr phiv liv tâu fuô lês cxix cxuô txix huyện txos cơ sở, txix shông 2021 txos nhiv no, tưz muk shuôk thiaz krưr huv trâu 11.245 lưv zis pluôs, jê cêr pluôs, đros trâu hur si nhiax tas yax 5,2 tỷ đaiv, muôz nhiax hli trâu 2.611 lưv nênhs, tas yax 33 tỷ đaiv; paz zuôr luôs 80 tấn cxur trâu 700 zis, 3.246 lênhx nênhs...

Lês cêr chai paz zis pluôs uô tsêr nhoz, hâur 3 shông đhâu, huyện tưz paz uô tâu 410 luz tsêr, hur si nhiax paz tas zuôr luôs 29 tỷ đaiv. Trơưk cêr tuôr, cxuô shông huyện Sốp Cộp txo grik tsơưs têx zis pluôs txix 4-5%, txos shông 2025 tsơưs yax 20%. Đhâu luôs hâux lưv no, têx zis pluôs trơưk tiêu chí yiaz shông 2023 yuôr 30%; xav siz bâus txo grik tsơưs têx zis pluôs txix 4-5%/shông; txo grik tsơưs zis pluôs zos hair nênhs tsơưs yax 4%. 

Zos luz xã txov nhêv yax ntơưv huyện Sốp Cộp, txix li lês têz qơưk luôs hâux lưv, đros trâu kror moz siaz sir jos, thôngx siaz ntơưv pêx xênhv, Mường Lèo tưz muôx ntâu zav hlôngr yiaz, pêx xênhv luz nênhx zênhv hnuz zênhv tâu jông đuô. Zơưs Lò Văn Chủ, Chủ tịch UBPX xã, haik pâuz: Shông 2023, xã tưz tâu muôz zuôr luôs 1 tỷ đaiv chia paz pêx xênhv zuôr mair, chuôz zênhx uô kôngz lông; kho đuô têx cêr yêz jêx jok paz trâu hâux lưv uô kôngz lông, lax luôv...Hâux lưv fuô lês fiv huv pêx xênhv hair nênhs tsơưs thax tsav xã siaz nhiav, txox cêr nyơư, chia đơưk tâu têx cêr phiv liv hâur thax tsav pêx xênhv hair nênhs tsơưs, paz trâu pêx xênhv luz nênhx tâu jông đuô, paz huôv tsar nhiax txiax - xã hội thax tsav pêx xênhv hair nênhs tsơưs.

Nthuôr huôv jông têx zav tưz lês tâu, huyện Sốp Cộp zuôr tror moz siaz đros cxuô cấp, cxuô ngành hâur thax tsav lês côngz xưv txo tsơưs pluôs. Sir zôngv muôx liv têx nhiax chia fuô lês têx dự án lok sâuv txo tsơưs cêr pluôs; gruô hu cxuô tus khênhx, paz pơưs lês côngz xưv txo tsơưs cêr pluôs chia saiz hloz pêx xênhv đas jos côngv paz têx nênhs pluôs tơưk đhâu cêr pluôs truôx njês...