Trơưk Ban Chỉ huy Paax tar têx cêr tsik jông trâu pêx xênhv tỉnh cxênhz tâu txos thâuv 3 six zar hnuz kaix 30/9, mak ntux lok nas hloz 40-100mm, muôx muôx iz cxia qơư lox đuô 300mm li: Trạm Mường Do 1 njuôk tâu yax 388mm; trạm Bắc Phong njuôk tâu 363,8mm.

Ntux nas tưz cuôr tuôs 1 tus nênhs ntơưv xã Mường Bang; 1 tus nênhs plox tsik tâu nriar tâu ntơưv xã Tô Múa; đêx nhaz tas 109 ziv pêx xênhv; vâu 4 luz tsêr; chuô yuôz 15 luz tsêr vuôk zơưk tas. Yax 40 ziv pêx xênhv tâu yêv khiar zênhx max ntơưv têx xã Tô Múa, Lóng Sập, Vân Hồ... Đêx nhaz tas 100 ha liax blêx; 220 ha poz cưk thiaz 15 ha jâuz, txir cxuô zav. Tox poz cxuz 41 ntu cêr, 17 ntu cêr đêx nhaz, tox poz muk tsik tâu. Ntux nas hiav puôk 53 trạm biến áp uô trâu 3.203 ziv kruô tsik muôx điện zôngv; Đêx nhaz thiaz poz 15 luz tsêr cơưv ntơưr…

UBPX tỉnh tưz chox car cxiz nênhs muk cxênhz yuôx, gruô hu tsôngv tuz lênhv, công an, pêx xênhv por hưv, siz chos muk kho cêr. Ngành Điện zênhx max đơưk cxuô cêr phiv liv. Cxuô qơư cxênhz têx zav ntux nas hiav, paz pêx xênhv cov nzor tror uô nênhx truôx njês. Trơưk njuôk tsov tâu, ntux tsênhv zuôr lok nas nzir, Ban Chỉ huy Phax tar têx zav tsik jông hâur tsôngv pêx xênhv tỉnh cxiz cxuô qơư cov chênhr phax, phax tar cov sai.