Hâur 3 luz hli hâu shông, côngz xưv hlôngr ntâuz ntơưr hành chính ntơưv Sơn La tưz uô tâu ntâu nuv tsênhz chênhz. Mênhx pêv: Tiv tsôngv tu têx hồ sơ, hur si tỉnh tưz taz nhav thiaz uô tas 95.597 hồ sơ, hâur ntơư, tiv tsôngv hồ sơ uô tâu tror huv chaix thiaz uô ntêx hnuz tênhv tâu 97,26%. Tiv tsôngv nộp hồ sơ pov njôngr ti vi tâu 86,5%, yax cêr xav siz bâus hâur têz qơư 7,2/12 điểm thiaz tiv tsôngv uô pov njôngr ti vi txos 94%. Tiv tsôngv kriz lês thiaz sir zôngv đuô mông kria, ntâuz ntơưr số hlôngr tâu siaz 97,09%. Tiv tsôngv huv siaz ntơưv pêx xênhv hâur cêr taz nhav thiaz tu ntơưr hành chính tâu 97,65%.

Iz hâur têx kror uô tâu pov njôngr mak zos cêr sir zôngv ntâuz ntơưr pêx xênhv qơư nhoz chia zôngx ziv hồ sơ. Nhiv no, Trung tâm Paz max hành chính công têx  cấp ntơưv Sơn La tưz lês nuv tsik cov pêx xênhv nộp đuô têx ntâuz ntơưr li kria txos nênhs cxênhz jê, qơư nhoz zos nhoz li têx ntâuz ntơưr no tưz muôx trâu hâur Qơư tsês ntâuz ntơưr têz qơư lok sâuv pêx xênhv qơư nhoz. Iz chas ntơư, tỉnh tưz tso tơưv yiaz 28 ntơưr hành chính nội bộ thiaz tso tsês 6 ntâuz ntơưr tsik fiv huv chia zôngx ziv qơư uô nuv têz qơư, chok nxiak thôngz tsik tu thiaz muôx liv hâur cêr saiz car têz qơư.

Tiav sik, nhiv no tỉnh Sơn La tsênhv njiz cêr chor nhov hâur fuô lês tiv cêr cơưv chuôz zênhx fuô mông iz cxia tiz nênhs pêx xênhv, yax hlo mak pêx xênhv hair nênhs tsơưs nhoz iz cxia thax tsav, tsênhv pâuz tsơưs, cêr lês nộp hồ sơ pov njôngr ti vi tsik tâu plias tas. Nzir trâu ntơư, hâux lưv tsik muôx tài khoản tsêr nhiax, hiav txos pêx xênhv tsuv thêv nhiax đhâu têx hnaz nhiax điện tử txuôk đraz, hiav txos têx cêr tsik zôngx ziv.

Hâur ntu zuôr txos, Sơn La tror tsik tsês saiz, đơưk zênhx max hồ sơ hâur đruôz máy iz luz kror trôngx, chok nxiak 100% hồ sơ tâu kho uô đhâu têx qơư lês; tsik tsês cxênhz yuôx, lo tsês,  saiz cxix cxuô têx ntâuz ntơưr hành chính, nhiax phí, nhiax lệ phí thiaz six hơưv tu chi pêx xênhv zôngx ziv saiz, nriar saiz. Đros ntơư,  UBPX tỉnh chox car tsik tsês cxênhz yuôx, tik cêr cxâuv ntov têx nênhs thaz plâuz, txơưr txar, chok nxiak cxuô hồ sơ kênhz chaix nhôngs puôr lênhx muôx ntâuz ntơưr thov txiv thiaz tênhv hnuz têx nuv uô mênhx pêv trâu pêx xênhv./.