Ndo njông phax tar jâus ntux nas hloz zuôr txos no, hnuz kaix 26/7, Ban Chox car phax tar ntux nas hiav thiaz nriar chơưv tiz nênhs, huôk chuôz tav tỉnh đros UBPX Thành phố tưz muk cxênhz yuôx thax tsav Bom Bay, jok Phiêng Hay thiaz iz cxia qơư poz cxuz ntơưv xã Chiềng Xôm. Cxênhz yuôx ntơưv qơư, pov tâu têx đêx nas thax tsav Bom Bay zuôr pur siaz, têx kror trôngx tso đêx ntưk cacxtơ nhaz toz hâur đêx, đros trâu têx ar mok, khâuz nhaz njơưk iz phênhv kror đêx ntưk hâur kror tsuô tưz hiav nhaz muk đêz đar. Trơưk ntơư, hnuz 27/7, Ban Chox car phax, tar ntux nas hiav thiaz nriar chơưv tiz nênhs, huôk chuôz tav tỉnh tưz chox car thành phố Sơn La đros Bộ CHQS tỉnh, Công ty TNHH MTV saiz car têx qơư tâur đêx gruô hu yax 100 cán bộ, chiến sĩ thiaz têx nênhs thoz huk khâuz cxơưs ndâux trôngx tso đêx ntưk, ntông đais hâur đruôz plơưr têx kror đêx ntưk Liệp Phi, jok Sẳng, Lả Mường... Sở Công thương cux chox car Công ty điện đêx Nậm La kriz kror trôngx tso điện cov tas jos chia tso đêx ntưk.  

Ban Chox phax, tar ntux hiav thiaz nriar chơưv tiz nênhs huôk chuôz tav tỉnh tưz tso tơưv Công điện phax tir ntux nas hloz đêz đar cxuô thax tsav. Công điện, cxiz cov têx cấp, têx ngành thiaz têx huyện, thành phố ndo njôngr têx tsưr ziv phax tir jâus ntux nas nhaz cuôr tiv ntux nas hloz đêz đar trâu têx thax tsav. Chox car hur si têx tiz nênhs trơưk “4 ntơưv qơư ” tsuv jor trơưr 24/24 six hơưv; cxênhz yuôx hur si têx qơư nziv đêx nhaz chia txar pêx xênhv thiaz chuôz tav. Tsik khênhr lênhx tưs muk trâu têx đêx lox, đêx zâu cxov njêk, khơưk tơưk thiaz tsik khênhr txar trâu têx thax tsav nziv zuôr poz cxuz; cxiz tuz lênhv, công an thiaz dân quân paz max. Bax tsês têx cxur nox, nênhs paz lơưr kaz, zênhx max paz cxur nox nzir trâu pêx xênhv.

Phax tar jâus ntux nas hloz zuôr txos no, Sở Kôngz lông thiaz Huôv tsar jêx jok chox car, cxênhz yuôx, cxiz cxuô qơư fuô lês chok nxiak nhaz xênhz njưs tâur pak đêx uô kôngz, yax hlo mak têx njưs pak đêx zov chênhr, tsik chia muôx yưv têx zav hiav puôk tiz nênhs txox sia, pêx xênhv têx chuôz tav.

Chok nxiak cêr yêz cêr ar, Sở Giao thông Vận tải chox car Ban Saiz car kho nyik têx cêr ar thiaz têx nênhs ntiar uô saiz car, kho nyik cêr ar tsik so cxênhz yuôx sox nyik têx ntu cêr tâu zok saiz car, pov zênhx max têx kror puôk tsuôx lok sâuv kho cêr tov kaz ntux lok nas tas, fuô kria têx tsưr ziv chox car, nzor kho đơưk cov nzor.

Lực lượng vũ trang tỉnh Sơn La tsik tsês yuôx nyik cxuô thax tsav; phax tar, zok nriar chơưv nênhs, huôk chuôz tav, chok nxiak zênhx max, muôx liv thâuv muôx cêr taix khov. Sở Y tế chox car têx cơ sở y tế chok nxiak têx yuôx bax tsês, kriz njuôk kho moz, côngv kho chơưv têx nênhs mas moz; đros Sở Tài nguyên thiaz Môi trường fuô lês côngz xưv qêz cov muôx cêr nyiaz hur, tsưx hưv têx kar nox nhaz xênhz ntơưv têx qơư đêx nhaz cuôr tưz gris, ndo njôngr fuô lês têx tsưr ziv phax, tar caz moz nziv muôx yưv tov kaz ntux nas nhaz cuôr, mfông yuôx trâu têx hâu đêx cxơưr tuô caz moz cov tsik muôx moz cik thiaz muôx yưv caz moz.

Hnuz nhôngs xav ntux lok nas hloz đêz đar yuôr tsik ntêr lơưv, viv li, Ban Chox lês phax tar ntux hiav, chơưv tiz nênhs, huôk chuôz tav tỉnh Sơn La cxiz cov cxuô qơư côngv cxênhz yuôx têx qơư nziv zuôr poz cxuz, cuôr yôngz, nzor muôx tsưr ziv txar nênhs thiaz chuôz tav muk trâu qơư nhaz xênhz. Sox trơưr têx mông fuô tsov xav ntux yar, ntux nas, fuô zênhx max trâu tsôngv pêx xênhv ndo njôngr phax, tar ntux nas hiav.