Jâus tưr “Pox niav piz huôv tsar uô nox hâuk” shông 2023 zos Trung ương Hội liên hiệp pox niav Việt Nam gruô hu txix luz 3 hli shông 2023 đros cêr tuôr xav "Pox niav piz huôv tsar uô nox hâuk, lês nzir têx zav muôx txơưv trâu zuk thax tsav". Côngv trâu jâus tưr suôx thax tsav kâuv têz qơưk muôx 32 dự án, cêr xav piz huôv tsar uô nox hâuk jông yax ntơưv hội viên pox niav nhoz 18 tỉnh, thành phố kâuv Têz. 

Suôx câuv jâus tưr, Ban Tổ chức tưz choz 1 zênhx txơưr hlo, 3 zênhx tiv iz, 5 zênhx tiv oz, 7  zênhx tiv pêz thiaz 16 zênhx cxơưz jos trâu têx cêr xav, dự án piz huôv tsar uô nox hâuk; hâur ntơư, Sơn La muôx 3 dự án tưr tâu jông yax trâu jâus suôx câuv. Têx dự án tâu zênhx tiv Pêz tror sâuv zuôr tâu Ban tổ chức xair tsov chia muk tưr suôx câuv “Pox niav piz huôv tsar uô nox hâuk” thôngz têz qơưk, njuôk xav zuôr kriz trâu luz 10 hli shông 2023.

3 dự án ntơưv tỉnh Sơn La puôr lênhx tâu jông yax, li: Dự án zôngv têx kôngz, txir nox thiaz tsưr ziv cênhz cưv uô tơưv têx tsôngk njuôz muôs trâu oz chas têz qơưk txix li GEN zos kôngz, txir tsiv gri ntơưv Việt Nam (zos kôngz, txir muôx nhoz ntơưv huyện Yên Châu) tưr tâu zênhx tiv iz; Dự án huôv tsar tu zus kaiz, ok thiaz têx chuôz zênhx uô kôngz lông ntơưv Hợp tác xã Kôngz lông Sinh thái EFARM É Tòng (huyện Thuận Châu) thiaz Dự án Huôv tsar thiaz kriz đar qơư jov cà phê kaz ntơưv Hợp tác xã ARATAY Coffee (huyện Mai Sơn) tâu zênhx cxơưz jos./.