Ntơưv qơư uô ntâuz ntơưr têz qơưk phường thâuv six hơưv piz uô hâux lưv sơưr nzor, cxuô zav hâux lưv puôr lênhx uô sai, pêx xênhv tsik tas nus cán bộ, mak kriz robot sir zôngv AI xưz. Robot đhok cias ntơưv qơư txaik ntâuz ntơưr, hlôngr tus nênhs uô hâux lưv “zôngv số”, kria pêx xênhv nriar cxuô zav ntơưr. Sâuv đaiv tsov kriz, xar nriar zav ntơưr tưs, chia sâu cias zav ntơưr đhâu trực tuyến. Kria mênhx pêx xênhv uô iz thênhv jux juk, zôngx ziv.

Tsik tas li, cxuô zav ntơưr tâu zôngv mã QR, paz pêx xênhv zôngx ziv nriar tâu sai. Đhâu yax 3 luz hli zôngv têx chuôz zênhx yiaz tưz paz yax 5.000 lưv zav hâux lưv. Têx ntơưr tror tâu cxaz nzir tsik so, paz robot zênhv hnuz  zênhv zôngx ziv nriar têx ntâuz ntơưr đuô.

Zơưs Bùi Trung Dũng, Giám đốc qơư uô ntơưr hành chính phường, hiak tiak: Hâux lưv lok six ntâu, sir zôngv robot AI tưz paz max yênhx zav hâux lưv txix cias thâuv nhiv kruôr piz uô têx ntơưr, tsik phiv liv trâu cán bộ nhav thiaz uô ntơưr sai, tsik zuôv cêr. Sir zôngv chuôz zênhx, phaz nzưr yiaz tưz paz max thâuv uô ntơưr zôngx ziv lơưv ntâu. Robot paz txix cias thươx lưv pêx xênhv tuôx uô ntơưr, bax cxix cxuô zav ntơưr uô ntêx. Iz chas têx hâux lưv fuô lês bê cir số thiaz uô ntơưr sâuv điện tử, yênhx ntu uô ntơưr hành chính tâu uô sai, tsênhz mênhx.

Tsik zos paz chuyên môn xưz, sir zôngv chuôz zênhx yiaz uô ntơưr hành chính tsênhv pênhv ziv trâu pêx xênhv đuô. Tix lâus Hoàng Văn Tùng, phường Tô Hiệu, haik tiak: Thâuv ntêx tuôx uô ntơưr iz jâus mak nus muk nus lok ntâu lưv thiax pâuz mênhx yênhx ntu uô ntơưr. Nhiv no, muôx robot paz, kria mênhx cias thâuv nhiv kruôr piz uô, paz zuk pâuz bax têx ntơưr, tsik pôngz six hơưv muk lok ntâu lưv. Hok niav lâuk Hoàng Thu Hoài, phường Tô Hiệu, cux haik tiak: Thâuv zuk nus txos têx ntơưr đêx ar, robot tsik kria uô tsơưs ntu, mak kria nzir têx zav cik txos thâuv uô ntơưr. Paz zuk pâuz mênx cias thâuv piz uô ntơưr.

Hlôngr yiaz hâux lưv sir zôngv chuôz zênhx yiaz, paz max uô tâu sai cxuô zav ntơưr ntơưv phường Tô Hiệu. Hâur 3 luz hli hâu shông 2026, phường nhav tâu 2.349 lưv ntơưr, tưz uô tas 2.299 lưv, tsik chia nduô đhâu hnuz nhôngs; ntâuk thưx điện tử 1.130 lưv. Chỉ số cxênhz đhâu Kror trôngx lax luôv têz qơưk yax 97/100 điểm, puôr lênhx huv pêx xênhv siaz.

Đros ntơư, tas nro 394 zav ntơưr hành chính tâu uô đhâu mạng, 100% hồ sơ tâu zôngv số. Phường muôx trơưr 49 paz nênhs paz công nghệ số hâur têx jêx jok, zos 248 lênhx, paz pêx xênhv zôngv têx chuôz zênhx uô ntơưr trực tuyến, paz pêx xênhv sưv zôngv chuôz zênhx jux juk hâur luz nênhx. Cêr siz tưr “Tas nro tsôngv pêx xênhv cơưv zôngv số” tâu fuô lês thôngz cxuô qơư, kria cias trâu pêx xênhv pâuz zôngv xor tôngx jông, thêv gri cux tsik tas ro nhiax, nriar cxuô zav ntơưr đhâu trực tuyến. Têx cưk kria zos “cưk kria số”, kria cias trâu pêx xênhv, lar haik mak têx lâuk cov shâuv zôngv chuôz zênhx công nghệ. Li ntơư, tsưr ziv zôngv số hâur tsôngv pêx xênhv tưz pâuz zôngv ntâu: 100% cán bộ, công chức, nênhs uô hâux lưv tâu cơưv zôngv số; 100% shâuv xênhz pâuz zôngv têx zav tsênhv chênhz; yax 65% pêx xênhv txưv shông tâu sir zôngv têx chuôz zênhx số zov chênhr.

Iz chas ntơư, phường tsênhv fuô lês cxuô zav số muôx liv, li: Xênhv bê điện tử, bê cir số yênhx tus khênhx, sir zôngv bảo hiểm njuôk kho moz đhâu VNeID; paz têx ziv nênhs uô lax luôv sir zôngv ntơưr muôs huv điện tử, krêz bảo hiểm xã hội. Thêv nhiax têz qơưk paz trâu pêx xênhv tsik ro nhiax tâu 100%, paz zôngx ziv trâu pêx xênhv yax thâuv pâuz zôngv số.

Zơưs Cầm Việt Quân, Chủ tịch UBPX phường Tô Hiệu, haik mênhx: Sir zôngv chuôz zênhx yiaz tsik zos paz zôngx ziv xưz, tsênhv hlôngr yiaz tâu hâux lưv saiz car. Phường xzav mênhx pêx xênhv tsênhv chênhz yax, chia hlôngr chuôz zênhx yiaz cov paz tâu sai thiaz fiv huv, tsik pôngz nhiax ntâu, ho uô tâu têx ntơưr mênhx.

Shông 2026, phường Tô Hiệu xav zuôr tror uô cov tiar cxuô zav paz max hâux lưv zôngv số, sir jos cov zôngv tâu xor tôngx 5G nto 50%; yax 70% pêx xênhv tâu zôngv xor tôngx kriz tâu sai. Hâux lưv uô ntơưr hành chính, xav yax 70% lưv ntơưr tâu uô trực tuyến; tsơưs yax cux 95% lưv ntơưr tâu zôngv số, tsar tỷ tsôngv uô ntơưr “tsik tas njiz”. Đros ntơư, 100% cán bộ, công chức uô hâux lưv đhâu mạng, sir zôngv bê cir số; yax 80% pêx xênhv txưv shông tâu sir zôngv cxuô zav số.

Sir zôngv chuôz zênhx yiaz paz uô têx ntơưr hành chính ntơưv phường Tô Hiệu pov njôngr fiv huv hâux lưv uô ntơưr hành chính đros trâu hlôngr số. Đhâu zôngv số pov njôngr hlôngr yiaz, cxuô cêr sir zôngv vav mênhx taz tov cxiv tsa hâux lưv uô ntơưr hành chính sai, mênhx, fiv huv cêr huôv tsar hâur ntu yiaz