Hội đồng tưr ntơưv tỉnh Sơn La muôx 35 kror qơư tưr, 562 qar tsêr tưr, bax nzir 55 qar tsêr. Hur si tỉnh tưz gruô hu 2.419 cán bộ, cưk kria, nhân viên thiaz têx nênhs txơưr paz trâu jias tưr. Ngành Choz kria ntơưr tưz cxiv tsa têx paz côngz xưv cxênhz yuôx hâux lưv chox car, saiz tưr trâu hur si têx qơư tưr hâur tỉnh. Têx nênhs muôx vax huôv tsik tsês lês muôx kaz hâu côngz xưv tsưx truôx qơư tưr, chaix tsav yêz muk lok njias to. Têx hluôk nênhs moz siaz uô trơưk hâux lưv “Paz shuv xênhz tưr ntơưr”, paz cov tâu shuv xênhz thâuv pov yưv têx kror txơưr txar…, chia kriz tưr nhaz xênhz, ntov chai thiaz uô tâu hâux lưv muôx kaz hâu.

Tas cik hnuz 27/6, ntux lax, tưz paz têx shuv xênhz zôngx ziv piz tưr. Tuz sâu xor Báo Sơn La tưz muôx njêx muôs trâu hur si têx qơư tưr hâur thax tsav tỉnh chia kria pâuz môn tưr xuz thơưx zos môn Ngữ văn, uô tas 120 phút.