Hâur hmo no, têx mê nhuôv zâuk tưz tâu mnôngs thơưx car Thành phố nhênhv ntơưr ntơưv Chủ tịch têz qơưk phôngv côngz txos têx mê nhuôv zâuk ndax trâu tsiaz Hli đra 2023; kria pâuz tiv li chak ho muôx Tsiaz hli đra, txiax njis; tâu saiz têx jax cưr cxiax, sênhr chêr, đros tuz hluôk Cuội thiaz gâux Hli thav, sênhr chêr tsor nxuôr, nox suôz thax hâuk đêx kaz jiz…

Cux hmo ntơư, tsênhv kriz phênhv tưr trâu trôngx suôz thax thiaz txir nox cux li lo ntơưr trâu luz tênhz Tsiaz hli đra cov jông grâux.

Tuôx côngv “Hmo tsiaz hli đra”, pêx xênhv Thành phố, têx mê nhuôv zâuk tsênhv tâu saiz Khinh khí cầu zos têx chuyên gia tuôx ntơưv Công ty TNHH Khinh khí cầu Ntiax têz Ballooning Media tsav.

Jias kriz "Hmo tsiaz hli đra" cấp uỷ, nov hâu thành phố Sơn La têx cêr moz siaz hluz txos têx mê nhuôv zâuk; zos iz hâur têx hâux lưv chia Saiz hloz 15 shông hnuz tsa tâu Thành phố 26/10. Hmo no cux zos jâus chia kruôk, ntuôk têx shuv xênhz cơưv coz thiaz tưr tâu hâur jias tưr shuv xênhz coz têz qơưk; shuv xênhz muôx luz nênhx txov nhêv mnôngs luk, cơưv coz.

Suôx câuv Hmo tsiaz hli đra, hur si pêx xênhv thiaz mê nhuôv zâuk tưz tơưk tênhz tâus cêr trâu têx txox cêr lox hâur thành phố, uô trâu ntâu lênhx ndo njôngr tsik plox trâu đruôz siaz hâur iz luz Tsiaz hli đra thôngx siaz thiaz sor siaz.