Pir txưr uô txux: Hâur têx hnuz 15-16/4/2025, tiv zos ntux nas txơưr txar, thax tsav huyện Bắc Yên pov lol nas hloz txix li 130-160 mm, xav cias xã Mường Khoa lol hloz txos 260 mm. Txix đêx Đà thiaz têx đêx zâu lol nhaz, poz iz cxia qơư puôz ntus đêx, hiav txos pêx xênhv, yôngz chuôz tav; têx cêr zov chinhr li cêr têz qơưk 37, cêr tỉnh 112 thiaz têx cêr mul trâu xã nziv poz cxuz.

Txix li têx zav haik sâur, xã Mường Khoa tưz zênhx max cơưv Ban Chox car phax tar ntux nas hiav thiaz nriar chơưv tiz nênhs, cxênhz cxuô zav, tso tơưv tsưr ziv phax tar, phaiz nênhs, chuôz zênhx uz no, fuô cêr tuôr xav siz chos côngv lês hâux lưv txix li cxuô ngành, đoàn thể hâur côngz xưv chơưv tiz nênhs.

Cias tov kaz siv phax tar, Ban chox car huyện thiaz xã kriz cơưv njuôk xav têx hâux lưv uô tâu thiaz tsik tâu chia cxaz nzir iz cxia hâux lưv fiv huv thiaz thôngz iz trôngs lul kriz đar lês trâu têx xã txơưr.

Jâus siv phax tar tâu kruôk zos hov coz. UBPX huyện Bắc Yên muôz ntơưr kruôk trâu 3 paz thiaz 5 tus khênhx uô tâu hâux lưv jông hâur côngz xưv bax thiaz kriz siv phax tar.