Huôv tsar tiz nênhs uô tâu hâux lưv taz tov zos luôs hâux lưv muôx txiax njis lok six zov chênhr, paz zênhx max trâu ntu huôv tsar, lar haik hâur ntu hlôngr pâur số thiaz đros oz chas têz tsik tsês huôv tsar, zos qơư chuôz zov chênhr cxơưz huôv tsar truôx njês.

Đhâu cxênhz, nhiv no nênhs txơưx uô hâux lưv ntơưv Sơn La tsênhv muôx tsơưs. Têx nênhs tâu kria uô hâux lưv muôx ntâuz ntơưr tsuôk zos tâu 27%, kik đuô fênhx đraz hur si têz qơưk. Ntâu hâux lưv tâu tỉnh tsov xav lok six zov chênhr li kôngz lông sir zôngv chuôz zênhx jông, nuôv zax har jôngr; muôx cxaz nzir đêx, chuô, điện, logistics jêx jok…tsik muôx txâuk tiz nênhs pâuz uô hâux lưv, tsik muôx tsưr ziv số thiaz tsik pâuz đros oz chas têz uô cxuô zav hâux lưv. Luz cênhz tiv zos kror siz chos uô hâur yar cơưv-tsêr luôv-nênhs cơưv tsik tâu ntov nti; hâux lưv choz kria tsik fiv huv hâux lưv huôv tsar kôngz lông- uô lax luôv; côngz xưv tsov xav thiaz phaiz tiz nênhs uô hâux lưv tsênhv tsik tâu lês jông; cêr chai choz kria thiaz ntiar tiz nênhs uô tov kaz choz kria tsik tâu fiv huv, siz luôs jok.

Ntơưv jias saz lax, têx chuyên gia, tsêr khoa học thiaz đại biểu tưz saz lax, cxênhz yuôx têx kror pov muôx thiaz tsênhv njiz ntâu cêr txov nhêv hâur choz kria nênhs ntơưv tỉnh Sơn La; haik mênhx têx kror taix nus hâur xair tiz nênhs uô hâux lưv nhiv no; đros ntơư, tsênhv tso tơưv têx tsưr ziv uô mênhx pêv, muôx liv chia choz kria tiz nênhs txơưx uô hâux lưv trơưk li tsêr luôv, thax tsav thiaz xã hội siaz xar.

Đhâu saz lax, Liên hiệp têx Hội Khoa học thiaz Kỹ thuật tỉnh tưz sâu tsês, tso tơưv ntâuz ntơưr kria pâuz piar Thường trực Tỉnh ủy thiaz UBPX tỉnh, paz max trâu côngz xưv tsov xav cêr chai hâur choz kria thiaz huôv tsar tiz nênhs txơưx uô hâux lưv hâur thax tsav.