Sơn La zos tỉnh muôx ntâu tus đêx lox zâu, đros trâu 35 tus đêx zâu, 2 tus đêx lox zos đêx Đas ntêr 280 km thiaz Đêx lax muôk ntêr 90 km. Tus đêx no đêz tus đêx tor 1,3 km sâuv iz km², taz sik tsik siz luôs jok. Têx tus đêx lox zâu lok six nxaz thiaz muôx ntâu tus đêx tsơưs tsuô tiv tox trôngz hâur pês siaz. Trơưk tsov xav, hur si chor đêx ntơưv tỉnh yênhx shông muôx txos 19 tỷ m³, phênhv ntâu zos đêx nas lok trâu hâur pak đêx Đas thiaz Đêx lax muôk. Đêx hâur đruôz ar ntơưv tỉnh xav muôx yax 3 triệu m³ yênhx hnuz hmo.

Tiv đêx ar huôz chuô txơưr txar, muôs ntâu đêx trâu têx ngành nhiax txiax sir zôngv, tưz uô trâu iz cxia thax tsav tsik muôx txâuk đêx hâuk thiaz đêx zưs trâu kôngz lông. Iz chas ntơư, hâu đêx tsênhv mas têx đêx kiak nênhs ntưk lok hâur, muôx ntâu khâuz nhaz. Sir zôngv ntâu qir trâu, yuôx tsuôs por hưv kôngz lông cux zos iz hâur têx luz cênhz ruôr hiav saz txos hâu đêx.