Việt Nam zos iz hâur têx têz qơưk nzor sir zôngv têx tsưr ziv yiaz chia huôv tsar nhiax txiax. Txix shông 2012, Chính phủ tưz tso tơưv cêr tuôr xav têz qơưk lok sâuv huôv tsar nhiax txiax ntu 2011 – 2020, tsov xav txos shông 2050. Tov kaz 10 shông fuô lês cêr tuôr xav, pêx xênhv, tsêr luôv tưz pâuz lok sâuv vax huôv, txiax njis ntơưv huôv tsar nhiax txiax, iz thênhv jux juk hlôngr tsưr ziv uô kôngz lông, uô hâux lưv, sir zôngv thiaz muôx ntâu zav hâux lưv muôx txiax njis, cxơưz paz hâux lưv huôv tsar nhiax txiax.

Iz hâur têx zav txâuk chai têz qơưk, Việt Nam tưz cxiv tsa 750 cêr chai cxơưz paz huôv tsar sâu nju nhiax txiax, paz trâu hâux lưv fuô lês "Cêr tuôr xav têz qơưk lok sâuv huôv tsar nhiax txiax ntu 2011 - 2020 thiaz tsov xav txos shông 2050". Việt Nam tưz muôx têx hov fiax huôv tsar nhiax txiax txos trâu huôv tsar truôx njês: Shông 2050 tuôr xav tsik muôx zav pa kiak nênhs thiaz 75% muôx điện tơưk tuôr xav txos trâu njuôk xav hlôngr yiaz trâu shông 2045; qơư huôv tsar nhiax txiax txix 6,7 tỷ USD shông 2020 ndê txos 300 tỷ USD hâur hur si GDP têz qơưk trâu shông 2050.

Jias saz lax tưz moz siaz txos côngz xưv saiz car têx khâuz nhaz; txo tsơưs têx pak tsik jông tsêr tsov, huôv tsar cêr luôv cacbon thiaz ntu lês cêr chos luk ntơưv Việt Nam hâur COP 26 txos trâu huôv tsar sâu nju nhiax, huôv tsar truôx njês; fuô kria têx qơư huôv tsar nhiax txiax tsik tu nduô; têx tsưr ziv huôv tsar qơu huôv tsar nhiax txiax sâu tâu nju.

Ntơưv jias saz lax, Sở Tài nguyên thiaz Môi trường Sơn La tưz saz lax lok sâuv tỉnh têx hâux lưv huôv tsar nhiax txiax. Trơưk ntơư, tỉnh Sơn La tuôr xav txos shông 2030, lês tiar hâux lưv hlôngr yiaz cxuô ngành huôv tsar nhiax txiax; hlôngr yiaz hâux lưv sâu nju nhiax, zôngv têx qơư uô nox tsik tu nduô đhâu fuô lês thiaz txuôs sir zôngv, sâu nju nhiax txix têx har jôngr thiaz điện tơưk, sir zôngv công nghệ số, hlôngr pâur số, huôv tsar vax tsê, cêr muk lok truôx njês, saiz hloz hâux lưv muôs cxuô zav hax huv, txo grik tsơưs têx zav hiav txos đêx ar, huôz chuô. Tuôr xav, nhiax txiax số txênhz zuôr luôs 15 - 20% GRDP; têx har jôngr nzôngr jôngr (xav hur si têx ntông nox txir chos trâu têz nxaz) tâu 50%; hâux lưv uô kôngz lông sir zôngv tsưr ziv yiaz txênhz 30 - 40% xav hur si saz uô kôngz lông ntơưv tỉnh; muôx 39.700 ha têz chos kôngz txâuk chai VietGap, GlobalGAP thiaz têx zav txơưr; 19.200 ha têx kôngz tâu sir zôngv tsưr ziv zưs tsik xuôv đêx; hâux lưv huôv tsar GRDP fênhx đraz ntu 2021 - 2025 tâu 7,5%/shông…

Jias saz lax chia paz sơưr đơưk pâuz, muôx phênhv shuôv lok sâuv Đảng thiaz têz qơưk têx cêr chai hâur cêr tuôr xav têz qơưk lok sâuv huôv tsar nhiax txiax. Thâuv tror mul txos nhiak qơư nhoz, thax tsav, cxuô lênhx đại biểu zuôr zos têx nênhs fuô kria lês hâux lưv, uô ntêx lông lês têx hâux lưv huôv tsar nhiax txiax.

Uô ntêx ntơư, têx đại biểu tưz muk shuôk qơư huôv tsar nhiax txiax ntơưv Hợp tác xã kôngz lông hur Mộc Châu, tiểu khu Pa Khen thiaz qơư chos lưk suôr hâur tsêr vor vak ntơưv thị trấn Nông trường Mộc Châu, huyện Mộc Châu.