Việt Nam zos têz qơưk muôx ntâu kror jông huôv tsar kôngz lông, jêx jok thiaz chos ntông, zus tsiax cxu chia saiz, hâur ntơư muôx liv yax lok sâuv chos pax, ntông chia saiz thiaz ntông nzông. Muôx cxuô zav pax, ntông chia saiz, hâur ntơư ntâu zav muôx gri tâu muôs hâur têz qơưk thiaz oz chas têz. Zênhv hnuz zênhv cxiv puôz ntâu vax tsêr, cêr muk lok, cxuô luz tỉnh, thành phố tưz nzaz nzơưv thax tsav xênhz txơưv, cêr muôx liv lok sâuv muôx ntâu zav ntông chos, zus tsiax cxu tâu saiz chia huôv tsar nhiax txiax- xã hội. Ntâu tỉnh, thành phố tưz tsov xav, cxiv tsa têx qơư uô hâux lưv huôv tsar, uô luôv têx ntông chia saiz.

Nhiv no, tỉnh Sơn La muôx 8/12 huyện, thành phố cxiv tsa kror qơư chos pax nhoz uô cê; iz cxia luz huyện chos pax sir zôngv chuôz zênhx jông sâu nju nhiax txiax tâu yax 1 tỷ nhiax/ha; yax 1.000 taik pax phax cxor cxuô zav, xav nhiax tâu yênhx tỷ nhiax. Xav hur si chor nhiax sâu tâu hâur yênhx shông txix muôs têx ntông, zus tsiax cxu chia saiz thiaz ntông nzông txix 42 txos 45 tỷ nhiax.

Têx đại biểu tưz tâu kria Hội chos têx ntông, zus tsiax cxu chia saiz Việt Nam qơư sơưr lol sâuv huôv tsar ngành nhiax txiax chos ntông, zus tsiax cxu chia saiz; txix li tsov xav, chos pax, ntông, zus tsiax cxu chia saiz tưz sâu nju nhiax; têx kror muôx liv chia huôv tsar thiaz tso tơưv iz cxia tsưr ziv huôv tsar nhiax txiax chos ntông, zus tsiax cxu chia saiz, hlôngr yiaz hâux lưv tuôr xav huôv tsar kôngz lông, jêx jok. Iz cxia têx tsưr ziv hlôngr yiaz lol sâuv huôv tsar chos ntông, chos pax, zus tsiax cxu chia saiz thiaz ntông nzôngr muôs tâu gri ntơưv Sơn La; tsưr ziv huôv tsar ntông chia saiz hâur thax tsav tỉnh.