Nhiv no, xã Bình Thuận tưz muôx 3 zav huv txâuk chai OCOP 4 hnuz kuz thiaz 2 zav huv txâuk chai OCOP 3 hnuz kuz, li: Yuôx zêx Ô long Thu Đan, Yuôx zêx Trọng Nguyên, Coffee Arabica Minh Trí, Jiz mur Phổng Lái thiaz Qơư nuôv zax Pha Đin Top. Ntơư puôr lênhx zos têx hax huv nto mông thiaz tâu ntâu tiz nênhs pâuz txos nhiav zuôr lok zôngv.

Hâur têx hov yuôx zêx kaz, yuôx zêx Thu Đan tâu tsov xav zos hov zov chênhr yax chia moz siaz cxưx nhiax uô txâuk chai OCOP 4 hnuz kuz. Ntơưv kror qơư chos yuôx zêx hâur Công ty TNHH yuôx zêx Thu Đan, jok Kiến Xương, yax 10 ha yuôx zêx tâu chos trơưk faz hữu cơ taz tov tâu đêx njik. Công ty tưz tưx cxiv tsa tsưr ziv chos trơưk faz hữu cơ chia txâuk chai muôs trâu oz chas têz.

Trơưk zơưs Phạm Văn Doanh, Giám đốc Công ty TNHH Yuôx zêx Thu Đan, kria pâuz: Chia moz siaz cxưx nhiax uô cov jông, mak nhiv no, yuôx zêx OCOP 4 hnuz kuz ntơưv đơn vị tưz tâu ntâu tus kruô txos nhiav zuôr lok hâuk. Xav fênhx đraz yênhx shông, Công ty muôs 300 tấn yuôx zêx Ô long trâu cêr lax luôv hâur têz qơưk thiaz oz chas têz. Chia muôx txâuk yuôx zêx muôs thiaz hlôngr yiaz tsưr ziv uô nox, Công ty tưz muôx pênhr xưv zuôr chuôz zênhx jông tsiv nhos yax 10 tỷ nhiax lok ciz tâu 35 tấn njik yuôx zêx/hnuz, đros ntơư, sir jos paz cov tâu huv yuôx zêx Thu Đan txâuk chai OCOP 5 hnuz kuz trâu ntu zuôr txos.

Tsik zos huôv tsar yuôx zêx xưz, xã Bình Thuận tsênhv txơưx huôv tsar nuôv zax har jôngr. Qơư nuôv zax Pha Đin Top kror yênhx côngz tưz nhav nxiak zos txox cêr muk ndax fiv ntơưv faz tsưr ziv no. Tâu tsov xav trâu thax ar đar zuôr luôs 30 ha txix shông 2018, tưz chos tâu ntâu vax pax muôx ntâu xiv jông gâux yax, li: Oải hương, cẩm tú cầu, đỗ quyên... paz kror qơư no ho jông jav đuô.

Shông 2020, Pha Đin Top tưz tâu công nhav zos huv OCOP 4 hnuz kuz cấp tỉnh, yênhx kror qơư nuôv zax jông ntơưv thax tsav Tây Bắc. Niav lâuk Quàng Thị Hà, Phó Giám đốc HTX Nuôv zax Pha Đin kria pâuz, đơn vị tưz tsik tsês cxiv kho kror qơư no, cxiv puôz ntâu kror qơư so, uô thax tsav jâuz mor kaz thiaz nthuôr muôs kôngz txir nox chia paz tâu têx kruô siaz nhiav. 

Txix hâu shông txos nhiv no, têx qơư nuôv zax ntơưv xã Bình Thuận tưz tok tâu yax 10.000 lưv kruô tuôx ndis shuôk, xav nhiax sâu tâu yax 150 triệu đaiv. Txix têx hâux lưv uô tâu no, kria pâuz kror hlôngr yiaz hâur cêr xar huôv tsar, thâuv têx huv OCOP yênhx huv nuôv zax jông. 

Đros trâu kror sir jos ntơưv têx ziv nênhs uô luôv, xã Bình Thuận tsênhv zaz zâuv têx tsêr luôv, HTX siz chos cxiv tsa tsưr ziv huôv tsar kôngz txir nox hur muôx gri nto mông hâur cêr lax luôv. Thax tsav taz tov đros têx sở, ngành chuyên môn ntơưv tỉnh côngv paz pêx xênhv tsik so cxơưz cêr lax luôv đhâu têx jias kriz ciaz, nthuôr muôs hax huv. Lar haik, hâux lưv moz siaz muôz kôngz txir nox lok muôs trâu têx qơư uô luôv điện tử tưz kriz đar tsưr ziv uô nox, kria tuz kôngz Bình Thuận têx huv jông txos tiz nênhs zuôr huv côngv pâuz.

Trơưk cêr tuôr xav txos shông 2030, xã sir jos huôv tsar cov tâu 7 zav huv OCOP, hâur ntơư muôx 1 zav huv OCOP 5 hnuz kuz, zov chênhr mak huôv tsar yuôx njuôz thiaz nuôv zax jêx jok. Chia uô tiar hâux lưv no, thax tsav taz tov moz siaz zaz zâuv têx ziv nênhs uô luôv siz chos cơưv shâuv tsưr ziv saiz car thiaz huôv tsar têx zav huv muôx gri. Zơưs Vũ Tiến Đệ, Phó Chủ tịch UBPX xã Bình Thuận, thav kria: Chia uô tiar kror no, mak xã taz tov moz siaz tso têx ziv nênhs uô luôv muk cơưv nzir tsưr ziv saiz car, pâuz sir zôngv công nghệ thông tin; siz chos uô tơưv têx huv jông thiaz muôx gri...

Kror yênhx côngz ntơưv tsưr ziv Yuôx zêx Thu Đan thiaz Qơư nuôv zax Pha Đin Top, nhav nxiak ntơư zos xã Bình Thuận txox cêr muk ndax fiv hâur cxiv tsa cxiax cxênhv OCOP yênhx luôs hâux lưv paz cxơưz huôv tsar nhiax txiax. Đros trâu têx huv OCOP tưz tâu công nhav, xã tror hlôngr yiaz cxơưz cêr lax luôv chia yôngv siaz bê lax luôv kôngz txir nox  thax tsav, zos qơư chuôz zov chênhr chia paz Bình Thuận uô tiar tsưr ziv cxiv tsa jêx jok yiaz hov jông thiaz huôv tsar truôx njês./.