Yên Châu muôx 395 ziv, 1.329 lênhx pêx xênhv taz tov njênhs: tin lành, Công giáo, phật giáo. Cxuô cêr njênhs zôngs trơưk đraiv têx cêr chai têz qơưk. Nov hâu thiaz cxuô tổ chức tôn giáo zênhv hnuz zênhv siz chos tâu sox car jông, tsik chia yưv têx zav cuz nxor hiav txos cêr nox nhoz njias to.

Taz sik, tsênhv txov nhêv nhiax txiax, iz phênhv pêx xênhv, lar haik mak thax tsav tox siaz, đriv têz, tsênhv tsik tâu thôngz cxuô cêr chai, li ntơư zôngx ziv mas têx nênhs tsik jông hâuz nziak uô têx zav zuôv chai têz qơưk. Đros ntơư, hâur thax tsav huyện cux yưv iz cxia qơư muôx nênhs njênhs têx cêr njênhs yiaz tsik tâu nov hâu tso chai njênhs ntơưv têx xã: Mường Lựm, Chiềng Hặc, Chiềng Tương, Chiềng On... phiv liv trâu hâux lưv tsưx hưv cêr nox nhoz njias to.

Zơưs Phạm Đức Long, Thơưx phòng Nội vụ huyện Yên Châu, haik: Chia cov tsik muôx têx nênhs nzaz nzơưv cêr njênhs uô têx zav zuôv cêr chai, Phòng tưz đros Ban Dân vận Huyện ủy, công an huyện, Zênhx đriv têz thiaz cxuô xã trâu siaz fuô kria Đảng, Têz qơưk têx cêr chai haik txos pêx xênhv cêr njênhs ntơưv têx xã, jok muôx chôngz pêx xênhv hair nênhs tsơưs nhoz; paz pêx xênhv zôngs trơưk cêr chai. Iz chas ntơư, phax tar, tu mênhx têx zav cêr njênhs tsik trơưk chai têz qơưk, ruôr yêv cêr nox nhoz njias to, cêr thôngx siaz hâur tsôngv px cxuô hair nênhs.

Chiềng Tương zos iz luz hâur 4 xã đriv têz ntơưv huyện Yên Châu muôx pêx xênhv zôngs trơưk chai yiaz. Nhiv no, hâur thax tsav xã muôx 3 paz zôngs trơưk cêr chai yiaz, muôx 43 ziv, đros trâu 176 lênhx pêx xênhv. Tiv zos tsik tâu côngk nhav trâu cêr chai têz qơưk mal pêz paz no lês hâur tsêr.

Zơưs Giáng Xênhv Phax, Chủ tịch UBPX xã Chiềng Tương, haik: Txix li muôx pêx njênhs têx đaz kruôk yiaz, UBPX xã tưz cov têx nênhs hlôngr njêx muôs chos luk tsênhr cov lês trơưk cêr chai têz qơưk; iz chas ntơư, cux chos luk tsik uô têx zav hiav txos cêr nox nhoz njias to. Đros ntơư, chox car Ban saiz car cxuô jok đros têx công an, Tuz lênhv đriv têz cxênhz tsik so têx nênhs muk lok hâur thax tsav, saiz car ntov nti têx cêr njênhs. Li ntơư, thax tsav xã tsik yưv muôx cêr cuz nxor yưv lol sik têx zav hiav txos cêr nox nhoz njias to.

Hok ntơưv xã Phiêng Khoài muôx 30 zis, 93 lênhx pêx xênhv zôngs đaz kruôk yiaz viv li, côngz xưv saiz car cux tâu lês jông. Nov hâu thiaz cxuô paz pơưs hâur xã tưz muk txos ntuô cxuô jok njiz têx thơưx, lưv thơưx chox cxuô paz nênhs njênhs đaz kruôk yiaz chia pâuz têx nênhs njênhs đaz kruôk yiaz.

Zơưs Yênhx Xênhv Vax, Bí thư chi bộ, hâu jok Hang Căn, haik: Txix li tâu cán bộ xã fuô kria Đảng, Têz qơưk têx cêr chai, têx ziv pêx xênhv njênhs tưz zôngs trơưk cêr chai; zôngs trơưk têx cêr chai jêx jok, trơưk chos luk “5 muôx, 5 tsik puz muôx”, trâu siaz njo uô nox uô hâuk.

Tâu cấp ủy, nov hâu moz siaz lês jông côngz xưv hair nênhs tsơưs, cêr njênhs, pêx xênhv huyện Yên Châu tưz zôngs ntov cêr chai, đros tsôngv pêx xênhv hâur huyện cxiv tsa cêr thôngx siaz tas nro tsôngv pêx xênhv cxuô hair nênhs, cxiv tsa luz nênhx muôx txux chi ntơưv qơư nhoz, cxơưz nhiax txiax - xã hội huôv tsar, tsưx hưv truôx cêr uô nênhx nhaz xênhz, pêx xênhv nox nhoz njias to.